ലോക്സഭ തെരഞ്ഞെടുപ്പിലെ പാരാജയത്തിന്‍റെ ഉത്തരവാദിത്വം ഏറ്റെടുക്കുന്നു; രാജി സന്നദ്ധത അറിയിച്ച് മമത

കൊൽകത്ത: ലോക്സഭ തെരഞ്ഞെടുപ്പിലെ പാരാജയത്തിന്‍റെ ഉത്തരവാദിത്വം ഏറ്റെടുക്കുന്നതായി മമത ബാനര്‍ജി. മുഖ്യമന്ത്രിയായി തുടരാന്‍ താത്പര്യമില്ല. ഇക്കാര്യം പാര്‍ട്ടിയെ അറിയിച്ചതായും മമതബാനര്‍ജി പറഞ്ഞു. എന്നാൽ താൻ മുഖ്യമന്ത്രിയായി തുടരണമെന്നാണ് പാ‍ർട്ടി ആവശ്യപ്പെടുന്നതെന്നും മമത പറഞ്ഞു.

പദവിയും അധികാരവും ഞാൻ ഒരിക്കലും ആഗ്രഹിച്ചിട്ടില്ല.അതിനാൽ തന്നെ പരാജയത്തിന്‍റെ ഉത്തരവാദിത്തം ഏറ്റെടുത്ത് മുഖ്യമന്ത്രി സ്ഥാനം ഒഴിയാൻ തയ്യാറാണെന്ന് ഞാൻ പാർട്ടിയെ അറിയിച്ചു. പക്ഷെ പാർട്ടി തന്‍റെ ആവശ്യം നിരാകരിക്കുകയായിരുന്നുവെന്നും മമത പറഞ്ഞു.

പണവും അധികാരവും ദുരുപയോഗം ചെയ്താണ് ഇത്തവണ ബിജെപി തെരഞ്ഞെടുപ്പിൽ വിജയിച്ചത്. ഇതിനുള്ള വ്യക്തമായ തെളിവുകൾ തന്‍റെ പക്കലുണ്ട്. മോദിയുടെ വിജയത്തിന് പിന്നിൽ വിദേശ ശക്തികൾ ഇടപെട്ടിട്ടുണ്ടെന്നും മമത ആരോപിച്ചു.

തെരഞ്ഞെടുപ്പിനിടയിൽ പോലും രാജ്യത്തുടനീളം വലിയ തോതിൽ പണം ഒഴുകി.  പലരുടെയും ബാങ്കിൽ അനധികൃതമായി പണം എത്തി. തെളിവുകൾ വരും ദിവസങ്ങളിൽ പുറത്തുവിടുമെന്നും മമത മുന്നറിയിപ്പ് നൽകി.

തെ​ര​ഞ്ഞെ​ടു​പ്പി​ൽ ബി​ജെ​പി ഒ​റ്റ​യ്ക്ക് 303 സീ​റ്റു​ക​ളാ​ണ് നേ​ടി​യ​ത്. എ​ൻ​ഡ​ഇ​എ സ​ഖ്യ​ക​ക്ഷി​ക​ളെ​ല്ലാം ചേ​ർ​ന്ന് 352 സീ​റ്റു​ക​ളും പി​ടി​ച്ചെ​ടു​ത്തു. ത​നി​ക്ക് ബി​ജെ​പി​യു​ടെ ഈ ​വി​ജ​യം അം​ഗീ​ക​രി​ക്കാ​നാ​വി​ല്ലെ​ന്നു മ​മ​ത പ​റ​ഞ്ഞു. രാ​ജ​സ്ഥാ​നി​ലും ഗു​ജ​റാ​ത്തി​ലും ഹ​രി​യാ​ന​യി​ലും ബി​ജെ​പി എ​ങ്ങ​നെ​യാ​ണ് ഇ​ത്ര​യേ​റെ സീ​റ്റു​ക​ളി​ൽ വി​ജ​യി​ച്ച​ത്? ജ​ന​ങ്ങ​ൾ പു​റ​ത്തു​പ​റ​യാ​ൻ പേ​ടി​ക്കു​ക​യാ​ണ്, എ​ന്നാ​ൽ ത​നി​ക്ക് ഭ​യ​മി​ല്ല. ബി​ജെ​പി വ​ർ​ഗീ​യ അ​ജ​ണ്ട​യി​ലൂ​ടെ​യാ​ണ് വി​ജ​യി​ച്ച​ത്. തെ​ര​ഞ്ഞെ​ടു​പ്പ് ക​മ്മീ​ഷ​ൻ പൂ​ർ​ണ​മാ​യും ബി​ജെ​പി​ക്ക് അ​നു​കൂ​ല​മാ​യാ​ണ് പ്ര​വ​ർ​ത്തി​ച്ച​തെ​ന്നും അ​വ​ർ കു​റ്റ​പ്പെ​ടു​ത്തി.

http://bit.ly/2wVDrVv