തിരുവനന്തപുരം: സംസ്ഥാനത്തെ സ്കൂളുകളില്‍ സൗജന്യ കൈത്തറി യൂണിഫോം വിതരണം സജീവമായി തുടരുന്നു. ഡൈ ചെയ്ത തുണികള്‍ ഗോഡൗണുകളില്‍ എത്തുന്ന മുറക്ക് മുറിച്ച് പാക്കുകളാക്കി വേഗത്തില്‍ വിതരണം ചെയ്യുന്ന പ്രവര്‍ത്തികളാണ് നടക്കുന്നത്. ഇന്ന് ഹാന്‍ടെക്‌സിന്റെ തിരുവനന്തപുരത്തെ ഗോഡൗണിന്‍ മൂന്ന് ലോഡ് തുണികള്‍ എത്തി. ഇതുവരെ 1467514.54 മീറ്റര്‍ തുണി സംസ്ഥാനത്ത് വിതരണം ചെയ്തു കഴിഞ്ഞു. 85 ലക്ഷം കുട്ടികളാണ് പദ്ധതിയുടെ ഗുണഭോക്താക്കള്‍.
സര്‍ക്കാര്‍ സ്‌കൂളുകളിലെ ഒന്നുമുതല്‍ ഏഴുവരെ ക്ലാസുകളിലെ കുട്ടികള്‍ക്കും എയ്ഡഡ് മേഖലയില്‍ ഒന്നുമുതല്‍ നാലുവരെ ക്ലാസുകളിലെ കുട്ടികള്‍ക്കുമാണ് സൗജന്യ യൂണിഫോം വിതരണം. കൈത്തറി മേഖലയെ സംരക്ഷിക്കുക എന്ന ലക്ഷ്യത്തോടെയാണ് പദ്ധതി നടപ്പാക്കിയത്.
കേരളത്തിലെ കൈത്തറി സഹകരണ സംഘങ്ങള്‍ ഉല്‍പാദിപ്പിച്ച തുണികള്‍ മുഴുവനും ശേഖരിച്ചാണ് വിതരണം ചെയ്യുന്നത്. 5000ത്തോളം തൊഴിലാളികള്‍ക്ക് നേരിട്ടും അതിലധികം തൊഴിലാളികള്‍ക്ക് അല്ലാതെയും ഇതിലൂടെ തൊഴില്‍ ലഭ്യമാകും. 103 കോടി രൂപ തൊഴിലാളികള്‍ക്ക് കൂലിയിനത്തില്‍ സര്‍ക്കാര്‍ നല്‍കി. നാഷണല്‍ ഇന്‍സ്റ്റിറ്റ്യൂട്ട് ഓഫ് ഫാഷന്‍ ടെക്നോളജിയുടെ പഠനത്തില്‍ ഈ പദ്ധതി വന്‍ വിജയമാണെന്ന് കണ്ടെത്തിയിരുന്നു.
http://bit.ly/2wVDrVv
This post have 0 komentar
EmoticonEmoticon