മുംബൈ: ഇന്ത്യയില്‍ നിന്നും വിദേശനിക്ഷേപം വന്‍തോതിലാണ് പുറത്തേക്കു പൊയ്‌ക്കൊണ്ടിരിക്കുന്നത്. മെയ് 17 വരെയുളള കണക്കുകള്‍ പ്രകാരം ഇന്ത്യന്‍ മൂലധന വിപണിയില്‍ നിന്ന് 6,399 കോടി രൂപ പുറത്തേക്ക് പോയി. പൊതുതിരഞ്ഞെടുപ്പും കൂടാതെ യുഎസ്-ചൈന വ്യാപാരയുദ്ധവുമാണ് ഇന്ത്യന്‍ വിപണിയെ പ്രതികൂലമായി ബാധിച്ചതെന്നാണ് കണ്ടെത്തലുകള്‍.
കഴിഞ്ഞ മൂന്ന് മാസമായി നിക്ഷേപത്തില്‍ വന്‍ വളര്‍ച്ച പ്രകടിപ്പിച്ചതിന് ശേഷമാണ് വിദേശ പ്രോട്ട്‌ഫോളിയോ നിക്ഷേപത്തില്‍ (എഫ്പിഐ) ഇടിവ് നേരിട്ടത്. വിദേശ നിക്ഷേപത്തില്‍ ഫ്രെബ്രുവരി മാസത്തില്‍ 11,182 കോടി രൂപയുടെ വര്‍ധനയാണുണ്ടായത്. മാര്‍ച്ചില്‍ 45,981 കോടി രൂപയാണ് ഇന്ത്യന്‍ മൂലധന വിപണിയിലെത്തിയത്. ഏപ്രിലില്‍ 16,093 കോടി രൂപയാണ് ഇന്ത്യയില്‍ എഫ്പിഐ നിക്ഷേപമായി എത്തിയത്.
This post have 0 komentar
EmoticonEmoticon