ന്യൂഡല്‍ഹി: ദേശീയപാത വികസനത്തില്‍ കേരളത്തെ മുന്‍ഗണന പട്ടികയില്‍ നിന്നൊഴിവാക്കിയത് റദ്ദാക്കി. കേരളത്തിന്റെ ദേശീയ പാതാവികസനത്തിന് തടസമുണ്ടാകില്ലെന്ന് കേന്ദ്രമന്ത്രി നിതിന്‍ ഗഡ്കരി പറഞ്ഞു. കേരളത്തോട് വിവേചനം കാണിച്ചിട്ടില്ല. മുന്‍ഗണനാ പട്ടികയില്‍ നിന്ന് സംസ്ഥാനത്തെ ഒഴിവാക്കിയ വിജ്ഞാപനം റദ്ദാക്കിയെന്നും മന്ത്രി പറഞ്ഞു.
അല്‍ഫോണ്‍സ് കണ്ണന്താനത്തിന്റെ കത്തിന്റെ അടിസ്ഥാനത്തിലാണ് നടപടി. മുന്‍ഗണനാ പട്ടികയില്‍ കേരളത്തെ പുനസ്ഥാപിക്കുമെന്നും അദ്ദേഹം പറഞ്ഞു. ഇക്കാര്യത്തില്‍ ഔദ്യോഗികമായി ഉടന്‍ വ്യക്തത വരുത്തും.
ദേശീയപാത വികസനത്തില്‍ നിതിന്‍ ഗഡ്കരിയുമായി നേരിട്ട് ചര്‍ച്ചനടത്തിയെന്ന് അല്‍ഫോണ്‍സ് കണ്ണന്താനം പറഞ്ഞു. കേരളത്തിനുള്ള മുന്‍ഗണനാ ക്രമത്തില്‍ മാറ്റമുണ്ടാകില്ലെന്ന് ഉറപ്പുലഭിച്ചു. ദേശീയ പാതകള്‍ക്കായി മാറ്റിവെച്ച ഫണ്ട് അനുസരിച്ച് രാജ്യമാകെയാണ് മുന്‍ഗണ നിശ്ചയിച്ചതെന്നും കണ്ണന്താനം പറഞ്ഞു.
http://bit.ly/2wVDrVv
This post have 0 komentar
EmoticonEmoticon