അബ്ദുല്ലക്കുട്ടി ഒടുവിൽ ബിജെപിയിലേക്ക് ; ഇന്ന് അംഗത്വമെടുക്കും

ന്യൂഡൽഹി: പ്രധാനമന്ത്രി നരേന്ദ്രമോദിയെ പുകഴ്ത്തിയതിന്റെ പേരിൽ കോൺഗ്രസിൽ നിന്ന് പുറത്താക്കിയ എ പി അബ്ദുള്ളക്കുട്ടി ബിജെപിയിൽ ചേരുന്നു. ഇന്ന് ഉച്ചയ്ക്ക് അംഗത്വം സ്വീകരിക്കും. ദേശീയ ആസ്ഥാനത്ത് വെച്ചാകും അംഗത്വം സ്വീകരിക്കുന്നത്.ബിജെപി വർക്കിംഗ് പ്രസിഡന്റ് ജെ പി നദ്ദയിൽ നിന്നായിരിക്കും അംഗത്വം സ്വീകരിക്കുന്നത്. പ്രധാനമന്ത്രി നരേന്ദ്രമോദിയുമായും അമിത് ഷായുമായും അദ്ദേഹം കൂടിക്കാഴ്ച നടത്തിയിരുന്നു.പാർലമെന്റിൽവെച്ചാണ് അബ്ദുള്ളക്കുട്ടി മോദിയുമായി കൂടിക്കാഴ്ച നടത്തിയത്. ബിജെപിയിൽ ചേരാൻ പ്രധാനമന്ത്രി നരേന്ദ്ര മോദി തന്നെ ക്ഷണിച്ചുവെന്ന് അബ്ദുള്ളക്കുട്ടി അവകാശപ്പെട്ടിരുന്നു. പാർലമെന്റ് തെരഞ്ഞെടുപ്പ് ഫലത്തിന് പിന്നാലെ മോദിയുടെ വികസന മാതൃകയെ പുകഴ്ത്തി ഫേസ്ബുക്ക് പോസ്റ്റിട്ടതിനെ തുടർന്നാണ് അദ്ദേഹത്തെ കോൺഗ്രസിൽ നിന്ന് പുറത്താക്കിയത്.

http://bit.ly/2wVDrVv