നിത്യ മേനോനെ പ്രധാനകഥാപാത്രമാക്കി ടി.കെ. രാജീവ് കുമാർ ഒരുക്കുന്ന കോളാമ്പിയുടെ ട്രെയിലര്‍ പുറത്തിറങ്ങി. ആറു വർഷങ്ങൾക്കു ശേഷം വീണ്ടും സംവിധാനരംഗത്ത് തിരിച്ചെത്തുകയാണ് രാജീവ് കുമാർ.
നിര്‍മാല്യം സിനിമയുടെ ബാനറില്‍ രൂപേഷ് ഓമന നിര്‍മ്മിക്കുന്ന ചിത്രത്തില്‍ സിദ്ധാർത്ഥ് മേനോൻ, രഞ്ജി പണിക്കർ, രോഹിണി, ദിലീഷ് പോത്തൻ തുടങ്ങിയവരും പ്രധാന വേഷങ്ങളിലെത്തുന്നു. രവി വര്‍മന്‍ ആണ് ഛായാഗ്രഹണം. കലാസംവിധാനം സാബു സിറിള്‍. രമേഷ് നാരായണൻ സംഗീതം. ശബ്ദസംവിധാനം നിര്‍വഹിക്കുന്നത് റസൂല്‍ പൂക്കുട്ടിയാണ്.
രാജ്യാന്തര സിനിമാ പ്രേക്ഷകരെയും മേളകളെയും ലക്ഷ്യമിട്ടാണ് കോളാമ്പി ഒരുങ്ങുന്നത്. തത്സമയം ഒരു പെൺകുട്ടി എന്ന സിനിമക്ക് ശേഷം ടി.കെ രാജീവ് കുമാറിന്റെ സിനിമയിൽ നിത്യ മേനോൻ അഭിനയിക്കുന്നു എന്ന പ്രത്യേകതയും കോളാമ്പിക്കുണ്ട്. വി.കെ. പ്രകാശിന്റെ ‘പ്രാണ’യാണ് നിത്യ മേനോന്റേതായി ഒടുവിൽ പുറത്തിറങ്ങിയ മലയാളചിത്രം.
http://bit.ly/2wVDrVv
This post have 0 komentar
EmoticonEmoticon