ഡോക്‌ടർമാരുടെ സമരം: കടുത്ത നടപടികളിലേക്ക് കടക്കുമെന്ന് കേന്ദ്രം; ഇന്ന് ഐഎംഎ യോഗം ചേരും

ന്യൂഡൽഹി: ദേശീയ മെഡിക്കൽ കമ്മീഷൻ ബില്ലിനെതിരെ രാജ്യവ്യാപക പ്രതിഷേധം തുടരുന്നതിനിടെ, ഡോക്ടർമാരുടെ ദേശീയ സംഘടനയായ ഐഎംഎ ഇന്ന് അടിയന്തിര യോഗം ചേരും. വൈകുന്നേരം ഡൽഹിയിലാണ് യോഗം. സമരം അവസാനിപ്പിക്കാൻ സർക്കാർ മുന്നറിയിപ്പ് വന്നതിന്റെ അടിസ്ഥാനത്തിൽ സമരത്തിന്റെ ഭാവി പരിപാടികൾ യോഗത്തിൽ തീരുമാനിക്കും.

സമരം അവസാനിപ്പിച്ചില്ലെങ്കിൽ കടുത്ത നടപടികളിലേക്ക് കടക്കുമെന്ന് കേന്ദ്ര ആരോഗ്യമന്ത്രാലയം ഡോക്ടർമാർക്ക് മുന്നറിയിപ്പ് നൽകിയിട്ടുണ്ട്. ഡൽഹി എംയിസ് ഉൾപ്പെടെയുള്ള ആശുപത്രികളിൽ, റസിഡന്റ് ഡോക്ടർമാർ നാലു ദിവസമായി ഒപിയും അത്യാഹിത വിഭാഗങ്ങളും ബഹിഷ്കരിച്ച് സമരം തുടരുകയാണ്.

ബില്ലിനെതിരെ കേരളത്തിലടക്കം മെഡിക്കൽ വിദ്യാർത്ഥികൾ റിലേ നിരാഹാരം തുടരുകയാണ്. അവസാന വർഷ എംബിബിഎസ് പരീക്ഷ പിജി പരീക്ഷയ്ക്കുള്ള മാനദണ്ഡമാക്കുന്ന, മെഡിക്കൽ കൗണ്‍സിൽ ബില്ലിലെ വ്യവസ്ഥക്കെതിരെയാണ് മെഡിക്കല്‍ വിദ്യാർഥികളുടെ പ്രതിഷേധം.

https://ift.tt/2wVDrVv