മലപ്പുറം: മാലിന്യം കത്തിക്കുന്നതിനിടയില്‍ വെടിമരുന്ന് പൊട്ടിത്തെറിച്ച്‌ പരിക്കേറ്റ് ചികിത്സയില്‍ കഴിഞ്ഞിരുന്നയാള്‍ മരിച്ചു. കൊളത്തൂര്‍ അമ്പലപ്പടി കടന്നമ്ബറ്റ രാമദാസാണ് (62) മരിച്ചത്. ക്ഷേത്ര പരിസരത്ത് മാലിന്യം കൂട്ടിയിട്ട് കത്തിക്കുന്നതിനിടെയാണ് ക്ഷേത്രം ഭാരവാഹി കൂടിയായ രാമദാസന് വെടിമരുന്ന് പൊട്ടിത്തെറിച്ച്‌ പരിക്കേറ്റത്.
ഈ മാസം ഒന്നാം തിയ്യതി കൊളത്തൂര്‍ അമ്പലപ്പടിയിലെ നരസിംഹമൂര്‍ത്തി ക്ഷേത്ര ഓഫീസ് റൂമിലെ പഴയസാധനങ്ങള്‍ കൂട്ടിയിട്ട് കത്തിക്കുന്നതിനിടെയായിരുന്നു അപകടം. അയ്യപ്പന്‍വിളക്കിന്റെ ഭാഗമായി കൊണ്ടുവന്ന വെടിമരുന്ന് പഴയസാധനങ്ങളില്‍പെട്ടതാണ്‌ പൊട്ടിത്തെറിക്ക്‌ കാരണം. വയറിനും കൈക്കും പൊള്ളലേറ്റ രാമദാസ് തൃശൂര്‍ ജൂബിലി ആശുപത്രിയില്‍ ചികിത്സയിലായിരുന്നു.
സ്ഫോടകവസ്തുക്കള്‍ അലക്ഷ്യമായി സൂക്ഷിച്ചതിന് കൊളത്തൂര്‍ പോലീസ് നേരത്തെ കേസെടുത്തിരുന്നു.
https://ift.tt/2wVDrVv
This post have 0 komentar
EmoticonEmoticon