കൊച്ചി: നെടുമ്പാശേരി അന്താരാഷ്‌ട്ര വിമാനത്താവളത്തില്‍ വന്‍ സ്വര്‍ണ്ണവേട്ട. മലപ്പുറം, കോഴിക്കോട് സ്വദേശികളില്‍ നിന്നായി ഒന്നര കോടി രൂപയോളം വില വരുന്ന സ്വർണ്ണം പിടികൂടി. മൂന്നേമുക്കാല്‍ കിലോ സ്വര്‍ണമാണ് രണ്ടു പേരിൽ നിന്നായി പിടികൂടിയത്.
ബഹ്‌റിനില്‍ നിന്നെത്തിയ മലപ്പുറം സ്വദേശിയില്‍ നിന്ന് മൂന്നേകാല്‍ കിലോ സ്വര്‍ണമാണ് കണ്ടെടുത്തത്. ഇയാള്‍ കാലിന്റെ മുട്ടിന് താഴെ കെട്ടിവച്ചാണ് സ്വര്‍ണം കടത്താന്‍ ശ്രമിച്ചത്. ഇയാളെ എയര്‍ കസ്റ്റംസ് ഇന്റലിജന്‍സ് അറസ്റ്റ് ചെയ്തു.
ഷാര്‍ജയില്‍ നിന്നെത്തിയ കോഴിക്കോട് സ്വദേശിയില്‍ നിന്ന് അര കിലോ സ്വര്‍ണവും പിടിച്ചെടുത്തു. ക്യാപ്‌സൂള്‍ രൂപത്തിലാണ് ഇയാള്‍ സ്വര്‍ണം കടത്താന്‍ ശ്രമിച്ചത്. പിടിച്ചെടുത്ത സ്വര്‍ണത്തിന് ഒന്നേകാല്‍ കോടി രൂപ വിലമതിക്കും.
https://ift.tt/2wVDrVv
This post have 0 komentar
EmoticonEmoticon