മലപ്പുറം: പൗരത്വ ഭേദഗതി നിയമത്തിൽ പ്രതിഷേധിച്ച് മുസ്ലിം യൂത്ത് ലീഗ് നടത്തുന്ന ഡേ നൈറ്റ് മാര്‍ച്ചുമായി ബന്ധപ്പെട്ട് മലപ്പുറം - കോഴിക്കോട് റോഡില്‍ ഗതാഗത തടസ്സം ഉണ്ടാകാന്‍ സാധ്യതയുണ്ടെന്ന് പോലീസ്. ഇതിനാൽ റൂട്ടിൽ ഗതാഗത നിയന്ത്രണം ഏർപ്പെടുത്തി. ബ്രിടീഷുകാർക്കെതിരെ പോരാടി മരിച്ച രക്തസാക്ഷികളുടെ ഖബറിടങ്ങൾ കൊണ്ട് പ്രസക്തമായ പൂക്കോട്ടൂരില്‍ നിന്ന് കോഴിക്കോട് കടപ്പുറത്തേക്ക് വൈകീട്ട് മൂന്നു മുതലാണ് മാർച്ച്. ഉച്ചയ്ക്ക് രണ്ടുമുതല്‍ ഗതാഗത നിയന്ത്രണം ഉണ്ടായിരിക്കും.
പെരിന്തല്‍മണ്ണ ഭാഗത്തുനിന്ന് കോഴിക്കോട് ഭാഗത്തേക്കു പോകുന്ന വാഹനങ്ങള്‍ തിരൂര്‍ക്കാട് നിന്ന് മഞ്ചേരി - അരീക്കോട് - മുക്കം വഴിയും മലപ്പുറത്തുനിന്ന് കോഴിക്കോട്ടേക്ക് പോകുന്ന വാഹനങ്ങള്‍ വേങ്ങര - കൂരിയാട് - യൂണിവേഴ്സിറ്റി - രാമനാട്ടുകരവഴിയും പോകണം.
കൊണ്ടോട്ടി, കിഴിശ്ശേരി ഭാഗത്തുനിന്ന് കോഴിക്കോട് ഭാഗത്തേക്ക് പോകുന്ന വാഹനങ്ങള്‍ വാഴക്കാട് - എടവണ്ണപ്പാറവഴിയും പോകണം.
https://ift.tt/2wVDrVv
This post have 0 komentar
EmoticonEmoticon