ന്യൂഡല്ഹി: ഇന്ത്യയിലെ ആദ്യ എഞ്ചിന് രഹിത തീവണ്ടിയായ ട്രെയിന്-18 ന്റെ ഫ്ളാഗ് ഓഫ് ഡിസംബര് 29 ന് പ്രധാനമന്ത്രി നിര്വ്വഹിക്കും. മെയ്ക്ക ഇന് ഇന്ത്യ പദ്ധതി പ്രകാരമാണ് ട്രെയിന്-18 നിര്മ്മിച്ചത്. ചെന്നൈയിലെ ഇന്റഗ്രല് കോച്ച് ഫാക്ടറിയിലായിരുന്നു നിര്മ്മാണം.
52 സീറ്റുകള് വീതമുള്ള രണ്ട് എക്സിക്യൂട്ടീവ് കമ്പാട്ട്മെന്റുകളും ട്രെയിലര് കോച്ചുകളില് 72 സീറ്റുകള് വീതവും ഉണ്ടായിരിക്കും. ഇതില് ട്രെയിന് പോകുന്ന ദിശക്കനുസരിച്ച് എക്സിക്യൂട്ടീവ് കമ്പാര്ട്ട്മെന്റിലെ സീറ്റുകള് മാറിക്കൊണ്ടിരിക്കും. വൈഫൈ, ജി പി എസ് അധിഷ്ഠിത പാസഞ്ചര് ഇന്ഫര്മേഷന് സിസ്റ്റം, ടച്ച് ഫ്രീ ബയോ-വാക്വം ടൊയ്ലറ്റ്, എല് ഇ ഡി ലൈറ്റുകള്, മൊബൈല് ചാര്ജിങ് പോയിന്റ് തുടങ്ങി മികച്ച സൗകര്യങ്ങളോടു കൂടിയാണ് ട്രെയിന് നിര്മ്മിച്ചിരിക്കുന്നത്.
ദില്ലിക്കും വാരണാസിക്കുമിടയിലാണ് ട്രെയിന്-18 സര്വ്വീസ് നടത്തുന്നത്. ശതാബ്ദി ട്രെയിനുകള്ക്ക് പകരമായാണ് ഇത് സര്വ്വീസ് നടത്തുന്നത്. ട്രെയിന്-18 ന്റെ പരീക്ഷണ ഓട്ടം ഡെല്ഹിക്കും രാജധാനിക്കും ഇടയില് നടത്തിക്കഴിഞ്ഞു. വാരണാസിയില് നിന്നാണ് എഞ്ചിന് രഹിത തീവണ്ടിയുടെ ഫ്ളാഗ് ഓഫ് കര്മ്മം നിര്വ്വഹിക്കുക.
This post have 0 komentar
EmoticonEmoticon