പത്തനംതിട്ട: ശബരിയല ദര്‍ശനത്തിനായി ആന്ധ്രാ പ്രദേശില്‍ നിന്നുമെത്തിയ 43കാരി എരുമേലിയിൽ യാത്ര അവസാനിപ്പിച്ചു. കോട്ടയത്ത് എത്തിയപ്പോൾ തന്നെ പ്രതിഷേധമുണ്ടാകാൻ സാധ്യതയുണ്ടെന്ന് പൊലീസ് ഇവരെ അറിയിച്ചിരുന്നു. നിലയ്ക്കൽ വരെ പോകുന്നുവെന്ന് സ്ത്രീ അറിയിച്ചതിനെ തുടർന്നാണ് പൊലീസ് സുരക്ഷയിൽ ഇവരെ എരുമേലിയിലെത്തിച്ചത്.
എരുമേലിയിൽ സ്ത്രീ യാത്ര അവസാനിപ്പിച്ചു. ഒപ്പം വന്ന 21 പേർ നിലയ്ക്കലിലേക്ക് പോയി. ഇരുമുടിക്കെട്ടുമായാണ് യുവതി വന്നത്. ഏത് പ്രായത്തിലുള്ള സ്ത്രീകള്‍ക്കും ശബരിമലയില്‍ ദര്‍ശനം നടത്താമെന്ന സുപ്രീംകോടതി വിധിയുടെ അടിസ്ഥാനത്തിലാണ് യുവതി ദര്‍ശനത്തിനെത്തിയത്. ഇതിനു മുന്‍പും ശബരിമല ദര്‍ശനത്തിനായി യുവതികളെത്തിയിട്ടുണ്ടെങ്കിലും വന്‍ പ്രതിഷേധത്തെ തുടര്‍ന്ന് ദര്‍ശനം നടത്താതെ മടങ്ങുകയായിരുന്നു.
This post have 0 komentar
EmoticonEmoticon