നോയിഡ: യുവതിയെ ഭര്‍ത്താവിന്റെ മാതാവ് മണ്ണെണ്ണ ഒഴിച്ച് കത്തിച്ചു. സ്ത്രീധനം ആവശ്യപ്പെട്ട് നടന്ന വാക്കേറ്റത്തിനൊടുവിയുലാണ് യുവതിയെ മണ്ണെണ്ണ ഒഴിച്ച് കത്തിച്ചത്. നോയിഡയില്‍ ഉത്തര്‍പ്രദേശിലെ കലുപുര ഗ്രാമത്തിലാണ് സംഭവം നടന്നത്. പൊള്ളലേറ്റ യുവതിയെ ഗുതുതരാവസ്ഥയില്‍ ആശുപത്രിയില്‍ പ്രവേശിപ്പിച്ചു. മുപ്പത് വയസുകാരിയായ ചഞ്ചലിനാണ് പൊള്ളലേറ്റത്. സംഭവത്തില്‍ ചഞ്ചലിന്റെ സഹോദരന്‍ യശ്പാല്‍ ശര്‍മ്മ പരാതി നല്‍കി.
2010ലാണ് ചഞ്ചലിന്റെ വിവാഹം കഴിഞ്ഞത്. എന്നാല്‍, വിവാഹം കഴിഞ്ഞ് ഏതാനും ദിവസങ്ങള്‍ക്ക് ശേഷം ഭര്‍ത്താവിന് പുതിയ ബിസിനസ് തുടങ്ങുന്നതിനായി അഞ്ച് ലക്ഷം രൂപ തരണമെന്ന് ചഞ്ചലിനോട് ആവശ്യപ്പെട്ടു. മാത്രമല്ല, പണം നല്‍കാതിരുന്ന ചഞ്ചലിനെ ഭര്‍ത്താവിന്റെ അമ്മ രാജേശ്വരി മാനസികമായും ശാരീരികമായും ഉപദ്രവിക്കാന്‍ തുടങ്ങി. കൂടാതെ, കഴിഞ്ഞ ദിവസം ഇതേ കാരണത്താല്‍ രണ്ടു പേരും തമ്മില്‍ വഴക്കുണ്ടായി. രാജേശ്വരി ചഞ്ചലിനെ മണ്ണെണ്ണ ഒഴിച്ച് കത്തിക്കുകയായിരുന്നു. നാട്ടുകാരാണ് യുവതിയെ ആശുപത്രിയില്‍ എത്തിച്ചത്.
http://bit.ly/2wVDrVv
This post have 0 komentar
EmoticonEmoticon