കൊളംബോ: പ്രധാനമന്ത്രി സ്ഥാനം രാജിവച്ച മഹീന്ദ രാജപക്സെ ശ്രീലങ്കന് പാര്ലമെന്റിലെ മുഖ്യപ്രതിപക്ഷ നേതാവായി സ്ഥാനമേറ്റു. രണ്ടുമാസം മുമ്ബ് സ്ഥാനം തെറിച്ച റെനില് വിക്രമസിംഗ വീണ്ടും പ്രധാനമന്ത്രിയായ ശേഷം ചേര്ന്ന ആദ്യ പാര്ലമെന്റ് സമ്മേളനത്തില് സ്പീക്കര് കാരുജയസൂര്യ രാജപക്സെയെ മുഖ്യ പ്രതിപക്ഷ നേതാവായി പ്രഖ്യാപിച്ചു. തമിഴ് നാഷണല് അലയന്സിന്റെ ആര്. സമ്ബന്തനെ മാറ്റിയാണ് രാജപക്സെയ്ക്ക് സ്ഥാനം നല്കിയത്.
എന്നാല് അടുത്തിടെ മറ്റൊരു പാര്ട്ടിയില് ചേര്ന്നതോടെ രാജപക്സെ പാര്ലമെന്റ് അംഗം അല്ലാതായെന്നും അതിനാല് പ്രതിപക്ഷ നേതാവാക്കിയത് നിയമ വിരുദ്ധമാണെന്നും ആരോപിച്ച് തമിഴ് നാഷണല് അലയന്സും ശ്രീലങ്കന് മുസ്ലിം കോണ്ഗ്രസും രംഗത്തെത്തി. ഇവരോട് രേഖാമൂലം പരാതി നല്കാന് സ്പീക്കര് ആവശ്യപ്പെട്ടു.
2015ല് യുണൈറ്റഡ് പീപ്പിള്സ് ഫ്രീഡം അലയന്സില് നിന്ന് പാര്ലമെന്റിലെത്തിയ രാജപക്സെ അടുത്തിടെ അനുയായികള് രൂപീകരിച്ച ശ്രീലങ്ക പീപ്പിള്സ് പാര്ട്ടിയില് ചേര്ന്നിരുന്നു.
https://ift.tt/2wVDrVv
This post have 0 komentar
EmoticonEmoticon