ബര്‍വാനി: മധ്യപ്രദേശില്‍ വീണ്ടും ബിജെപി നേതാവ് കൊല്ലപ്പെട്ടു. പ്രാദേശിക നേതാവ് മനോജ് താക്കറെയാണ് കൊല്ലപ്പെട്ടത്. ബര്‍വാനിയിലെ കൃഷിയിടത്തിലാണ് മനോജിന്റെ മൃതദേഹം കണ്ടെത്തിയത്. മധ്യപ്രദേശില്‍ ഒരാഴ്ചയ്ക്കിടെ കൊല്ലപ്പെടുന്ന രണ്ടാമത്തെ ബിജെപി നേതാവാണ് മനോജ്. രാവിലെ നടക്കാനിറങ്ങിയശേഷം മനോജിനെ കാണാനില്ലായിരുന്നെന്നും പിന്നീട് മൃതദേഹം കണ്ടെത്തുകയായിരുന്നെന്നും പൊലീസ് അറിയിച്ചു. മൃതദേഹത്തിനു സമീപത്തുനിന്ന് രക്തക്കറയോടുകൂടിയ ഒരു കല്ല് പൊലീസ് കണ്ടെടുത്തു.
വ്യാഴാഴ്ച മന്ദ്സോറിലെ ബിജെപി നേതാവും തദ്ദേശ സമിതി ചെയര്‍മാനുമായ പ്രഹ്ളാദ് ബന്ദ്വാറിനെ അക്രമി കൊലപ്പെടുത്തിയിരുന്നു. ജനം നോക്കിനില്‍ക്കെ പ്രഹ്ളാദിനെ വെടിവച്ചു കൊലപ്പെടുത്തുകയായിരുന്നു. സംഭവവുമായി ബന്ധപ്പെട്ട് ബിജെപി പ്രവര്‍ത്തകനായ മനീഷ് ബജ്രംഗിയെ പൊലീസ് അറസ്റ്റ് ചെയ്തിരുന്നു. ഭൂമി തര്‍ക്കമാണ് കൊലപാതകത്തിനു കാരണമായതെന്ന് മുഖ്യമന്ത്രി കമല്‍നാഥ് അറിയിച്ചു.
http://bit.ly/2wVDrVv
This post have 0 komentar
EmoticonEmoticon