ലഖ്‌നൗ: ബിഎസ്പി നേതാവ് മായാവതിയെ അധിക്ഷേപിച്ചുകൊണ്ടുള്ള ബിജെപി വനിതാ എംഎല്‍എയുടെ പ്രസംഗം വിവാദത്തില്‍. മായാവതി സ്ത്രീസമൂഹത്തിന് കളങ്കമുണ്ടാക്കിയെന്നും അവര്‍ അധികാരത്തിന് വേണ്ടി അന്തസ് വില്‍ക്കുകയാണെന്നും ഉത്തര്‍പ്രദശിലെ മുഗള്‍സാരെയ് എംഎല്‍എ സാധ്‌ന സിങ് വിമര്‍ശിച്ചു. പാര്‍ട്ടി റാലിക്കിടെയാണ് മായാവതിയെ അധിക്ഷേപിക്കുന്ന രീതിയില്‍ സാധ്‌ന പ്രസംഗിച്ചത്. ബിജെപി വനിതാ എംഎല്‍എയുടെ പരാമര്‍ശങ്ങള്‍ വിവാദമായതോടെ ബിഎസ്പി നേതാക്കള്‍ ഒന്നടങ്കം പ്രതിഷേധവുമായി രംഗത്തെത്തി.
മായാവതിക്ക് ആത്മാഭിമാനമില്ല. അവര്‍ നേരത്തെ അപമാനിക്കപ്പെട്ടിരുന്നു. ഇപ്പോഴും അത് നടന്നുകൊണ്ടിരിക്കുന്നു. എല്ലാം നഷ്ടപ്പെട്ടിട്ടും അവര്‍ അധികാരത്തിനുവേണ്ടി അന്തസ് കളഞ്ഞുകുളിക്കുകയാണെന്നും മായാവതി സ്ത്രീവര്‍ഗത്തിന് തന്നെ കളങ്കമുണ്ടാക്കിയെന്നും സാധ്‌ന സിങ് പ്രസംഗത്തില്‍ പറഞ്ഞു.
ബിഎസ്പി-എസ്പി സഖ്യം രൂപീകരിച്ചതോടെ ബിജെപിക്കാര്‍ നിരാശരാണെന്നും തെരഞ്ഞെടുപ്പില്‍ തോല്‍ക്കുമെന്ന ഭയം കാരണം അവര്‍ക്ക് സമനില തെറ്റിയെന്നുമായിരുന്നു ബിഎസ്പി നേതാവ് സതീഷ് ചന്ദ്രമിശ്രയുടെ പ്രതികരണം. സാധ്‌നാ സിങിന്റെ പ്രസ്താവനക്കെതിരെ കോണ്‍ഗ്രസും ശക്തമായ പ്രതിഷേധം രേഖപ്പെടുത്തി.
http://bit.ly/2wVDrVv
This post have 0 komentar
EmoticonEmoticon