തിരുവനന്തപുരം: ശബരിമന കര്മസമിതി ആരംഭിച്ച ശതം സമര്പ്പയാമി പദ്ധതിയിലേക്കയച്ച തുക പോയത് മുഖ്യമന്ത്രിയുടെ ദുരിതാശ്വാസ നിധിയിലേക്ക്. കെ സുരേന്ദ്രന്റെയും അയ്യപ്പന്റെയും ചിത്രം പതിച്ച പോസ്റ്റില് കൊടുത്തിരുന്ന അക്കൗണ്ട് നമ്പര് മുഖ്യമന്ത്രിയുടെ ദുരിതാശ്വാസ നിധിയുടേതായിരുന്നു..
ഇത്തരത്തിലുള്ള വ്യാജ പോസ്റ്റുകളാണ് പണി പറ്റിച്ചത്. ഇതിനെതിരെ ബിജെപി സംസ്ഥാന ജനറല് സെക്രട്ടറി കെ സുരേന്ദ്രന് തന്നെ ഫെയ്സ്ബുക്കില് മറ്റൊരു പോസ്റ്റുമായി രംഗത്തെത്തി. അദ്ദേഹത്തിന്റെ പോസ്റ്റിന്റെ പൂര്ണ്ണ രൂപം താഴെ വായിക്കാം.
കമ്മികളും സുഡാപ്പികളും സംയുക്തമായി നടത്തുന്ന പിതൃശൂന്യ സൈബര് പ്രചാരണം മനസ്സിലാക്കാനുള്ള കഴിവ് വിശ്വാസി സമൂഹത്തിനുണ്ടെന്നറിയാം. ഒരാള്പോലും തെറ്റിദ്ധരിപ്പിക്കപ്പെട്ടുകൂടാ എന്നുള്ളതുകൊണ്ടു മാത്രമാണ് ഇതിവിടെ കുറിക്കുന്നത്.
പിണറായി വിജയനെതിരെ ആരെങ്കിലും വല്ലതും മൊഴിയുന്നുണ്ടോ എന്നന്വേഷിക്കാനും കേസ്സെടുക്കാനും മാത്രമുള്ളതാണല്ലോ ഇവിടുത്തെ പൊലീസിന്റെ സൈബര് സെല്ലും. തെറ്റായ പ്രചരണങ്ങളില് വീഴാതിരിക്കുക. ഓരോ ചില്ലിക്കാശും വിലപ്പെട്ടതാണ്.
അത് സത്യവും ധര്മ്മവും നിലനിര്ത്താന് വിശ്വാസവും ആചാരവും സംരക്ഷിക്കാന് മാത്രമായി വിനിയോഗിക്കുക. ശതം സമര്പ്പയാമിയുടെ ഒറിജിനല് അക്കൗണ്ട് നമ്പര് ഇതോടൊപ്പം ചേര്ത്തിട്ടുണ്ട്. ആണിനെ പെണ്ണാക്കുന്ന വ്യാജന്മാര് നാടു ഭരിക്കുന്നിടത്ത് വിശ്വാസി സമൂഹം നിതാന്ത ജാഗ്രത പുലര്ത്തേണ്ടിയിരിക്കുന്നു.
http://bit.ly/2wVDrVv
This post have 0 komentar
EmoticonEmoticon