പുതുച്ചേരി: സർക്കാർ തീരുമാനങ്ങൾ നടപ്പാക്കാൻ ഗവര്‍ണര്‍ അനുവദിക്കുന്നില്ലെന്ന് ആരോപിച്ച് പുതുച്ചേരിയില്‍ ഗവര്‍ണര്‍ കിരണ്‍ ബേദിയ്ക്കെതിരെ സര്‍ക്കാര്‍ പ്രതിഷേധം. മുഖ്യമന്ത്രി വി നാരായണ സ്വാമിയുടെ നേതൃത്വത്തില്‍, രാജ്ഭവനു മുന്‍പില്‍ നടത്തുന്ന ധര്‍ണ തുടരുകയാണ്. ആവശ്യങ്ങള്‍ നേടിയെടുക്കും വരെ സമരം തുടരാനാണ് സര്‍ക്കാരിന്റെ തീരുമാനം.
ഈ മാസം 13ന് ഉച്ചയ്ക്കാണ് മുഖ്യമന്ത്രി വി. നാരായണസ്വാമിയുടെ നേതൃത്വത്തില്‍ മന്ത്രിമാരും എം.എല്‍.എമാരും ധര്‍ണാ സമരം ആരംഭിച്ചത്. സര്‍ക്കാര്‍ നല്‍കിയ മുപ്പത് പദ്ധതികള്‍ അംഗീകരിയ്ക്കാത്ത ഗവര്‍ണര്‍ കിരണ്‍ ബേദിയുടെ നിലപാടില്‍ പ്രതിഷേധിച്ചാണ് സമരം.
കഴിഞ്ഞ കുറച്ച് മാസങ്ങളായി ഗവര്‍ണര്‍ക്കെതിരെ പ്രതിഷേധത്തിലാണ് സര്‍ക്കാര്‍. ജനാധിപത്യ വ്യവസ്ഥിതിയില്‍ തിരഞ്ഞെടുക്കപ്പെട്ട സര്‍ക്കാറിനെ പ്രവര്‍ത്തിയ്ക്കാന്‍ അനുവദിയ്ക്കാതെ, നിയമവിരുദ്ധ ഇടപെടലാണ് ഗവര്‍ണര്‍ നടത്തുന്നതെന്നാണ് പ്രധാന ആരോപണം.
This post have 0 komentar
EmoticonEmoticon