കൊച്ചി: നടിയെ ആക്രമിച്ച കേസില്‍ വിചാരണ എറണാകുളത്തിനു പുറത്തേക്ക് മാറ്റരുതെന്ന് കേസിലെ മുഖ്യപ്രതിയായ പള്‍സര്‍ സുനി ഹൈക്കോടതിയെ സമീപിച്ചു. ജില്ലയ്ക്ക് പുറത്തേക്ക് വിചാരണ മാറ്റുന്നത് സാക്ഷികള്‍ക്കും അഭിഭാഷകര്‍ക്കും ബുദ്ധിമുട്ടുണ്ടാക്കും.സ്വതന്ത്രവും നീതിപൂര്‍വകവുമായ വിചാരണയെ ഇത് ബാധിക്കുമെന്നും വിചാരണ നീട്ടാനും പ്രതികള്‍ക്ക് അനാവശ്യ ബുദ്ധിമുട്ടുണ്ടാക്കാനുമാണ് നടിയുടെ ശ്രമമെന്നും സുനിയുടെ അപേക്ഷയില്‍ പറയുന്നു. ജയിലിലായതിനാല്‍ സുനിക്ക് മറ്റു ജില്ലകളില്‍ കേസ് നടത്താന്‍ വരുമാനമില്ലെന്നും അഭിഭാഷകന്‍ അപേക്ഷയില്‍ വ്യക്തമാക്കിയിട്ടുണ്ട്.വിചാരണയ്ക്ക് വനിതാ ജഡ്ജി എന്ന ആവശ്യം ഉന്നയിക്കുന്നത് കേസ് നീട്ടിക്കൊണ്ടുപോകാനും പ്രതികളെ ബുദ്ധിമുച്ചിക്കാനാണെന്നും പള്‍സര്‍ സുനി അപേക്ഷയില്‍ വ്യക്തമാക്കി.
നടിയെ ആക്രമിച്ച കേസില്‍ വിചാരണയ്ക്ക് വനിതാ ജഡ്ജി വേണമെന്ന നടിയുടെ ആവശ്യം ഹൈക്കോടതി പരിഗണിക്കും. എറണാകുളം ജില്ലയില്‍ വനിതാ ജഡ്ജി ഇല്ലെങ്കില്‍ സമീപ ജില്ലകളിലെ വനിതാ ജഡ്ജിയെ നിയോഗിക്കുന്ന കാര്യം പരിഗണിക്കാനും കോടതി അഭിപ്രായപ്പെട്ടിരുന്നു.നടിയുടെ ഹര്‍ജിക്കൊപ്പം പള്‍സര്‍ സുനിയുടെ അപേക്ഷയും ഹൈക്കോടതി പരഗണിക്കും.
This post have 0 komentar
EmoticonEmoticon