കൊച്ചി: യൂത്ത് കോണ്‍ഗ്രസ് ആഹ്വാനം ചെയ്ത മിന്നല്‍ ഹര്‍ത്താലിലുണ്ടായ അക്രമങ്ങളില്‍ രജിസ്റ്റര്‍ ചെയ്ത 193 കേസിലും ഡീന്‍ കുര്യാക്കോസിനെ പ്രതിയാക്കി കോടതിയില്‍ റിപ്പോര്‍ട്ട‌് നല്‍കിയെന്ന് പൊലീസ് ഹൈക്കോടതിയെ അറിയിച്ചു.
കാസര്‍കോട് ജില്ലയില്‍ രജിസ്റ്റര്‍ ചെയ്ത 23 കേസില്‍ യുഡിഎഫ് ജില്ലാ ചെയര്‍മാന്‍ എം സി കമറുദ്ദീനെയും കണ്‍വീനര്‍ എ ഗോവിന്ദന്‍ നായരെയും പ്രതിയാക്കിയതായും പൊലീസ് ഹെഡ് ക്വാര്‍ട്ടേഴ്‌സ് അസി. ഐജി പി അശോക് കുമാര്‍ സമര്‍പ്പിച്ച സത്യവാങ്മൂലത്തില്‍ പറയുന്നു.
ഹര്‍ത്താല്‍ നടത്തുന്നതിന് ഏഴു ദിവസം മുമ്ബ് നോട്ടീസ് നല്‍കണമെന്ന ഉത്തരവ് ലംഘിച്ചതിനെതിരെ മൂന്നു പേര്‍ക്കെതിരെയും ഹൈക്കോടതി സ്വമേധയാ കോടതിയലക്ഷ്യനടപടി ആരംഭിച്ചിരുന്നു. ഈ മൂന്നു പേരും ഹര്‍ത്താലിന് ആഹ്വാനംചെയ്തതായി അന്വേഷണത്തില്‍ തെളിഞ്ഞതായി സീനിയര്‍ ഗവ. പ്ലീഡര്‍ പി നാരായണന്‍ മുഖേനെ സമര്‍പ്പിച്ച സത്യവാങ്മൂലത്തില്‍ പറയുന്നു.
https://ift.tt/2wVDrVv
This post have 0 komentar
EmoticonEmoticon