കണ്ണൂര്‍: ഭക്ഷണപദാർത്ഥങ്ങളിൽ ഇന്ന് പല നൂതന രീതിയിലുള്ള മായങ്ങളും ചേർത്തു വരുന്നുണ്ട്. ഇവയെല്ലാം കണ്ടുപിടിക്കേണ്ടതും പരിശോധിച്ച് കുറ്റക്കാരായ ആളുകളുടെ പേരിൽ നടപടി എടുക്കേണ്ടതും അത്യാവശ്യമാണ്. ഈ നൂതന രീതിയിലുള്ള മായം കണ്ടുപിടിക്കുന്നതിന് പ്രത്യേക അനലിറ്റിക്കൽ ആന്റ് റിസർച്ച് ലാബ് വരുന്നു. ലാബിന്റെ ഉദ്ഘാടനം മുഖ്യമന്ത്രി പിണറായി വിജയൻ നിര്‍വഹിച്ചു.
ഭക്ഷ്യസുരക്ഷിതത്വ പരിശോധനയിൽ പരിശോധനയ്ക്കൊപ്പം പഠനവും, ഗവേഷണവും നടത്തി ഭക്ഷ്യസുരക്ഷാ പരിശോധന രംഗത്ത് വിപ്ലവകരമായ ഒരു മാറ്റം ഉണ്ടാക്കാൻ ഈ ലാബ് സഹായിക്കും. കണ്ണൂർ കാസർകോട് വയനാട് എന്നീ ജില്ലകളിലെ ജനങ്ങൾക്ക് അവരുടെ കുടിവെള്ളവും സംശയം തോന്നുന്ന ഭക്ഷണപദാർത്ഥങ്ങൾ പരിശോധിക്കുന്നതിന് കോഴിക്കോട് ജില്ലയിലെ ലാബിനെയാണ് ഇതുവരെ ആശ്രയിച്ച് വരുന്നത്. എന്നാൽ കണ്ണൂരിലെ ലാബ് പ്രവർത്തനക്ഷമമാകുന്നതോടെ മേൽ പറഞ്ഞ ജില്ലകളിലെ ജനങ്ങൾക്കും ഈ ലാബിനെ ആശ്രയിക്കാവുന്നതാണ്.
This post have 0 komentar
EmoticonEmoticon