കൊല്ലം: ഓച്ചിറയിലെ പെണ്‍കുട്ടിയെ തട്ടിക്കൊണ്ടുപോയതല്ലെന്ന് പ്രതി റോഷന്‍. ഏറെനാളായി പ്രണയത്തിലാണ്. പെണ്‍കുട്ടിക്ക് 18 വയസുണ്ടെന്നും പ്രതി. റോഷനെ പന്‍വേലിലെ കോടതിയില്‍ ഉടന്‍ ഹാജരാക്കും. ഓച്ചിറയില്‍ നിന്നു കാണാതായ നാടോടി പെണ്‍കുട്ടിയെയും മുഖ്യപ്രതി മുഹമ്മദ് റോഷനെയും നവിമുംബൈയിലെ പന്‍വേല്‍ നിന്നാണ് കേരളത്തില്‍ നിന്നുള്ള പൊലീസ് സംഘം കണ്ടെത്തിയത്.
മുംബൈയിലെത്തിയ കേരള പൊലീസിന്റെ 2 സംഘങ്ങളിലൊന്നാണ് ഇവരെ കണ്ടെത്തിയത്. രാജസ്ഥാനിലും ബംഗളുരൂവിലും അന്വേഷണം നടത്തിയ ശേഷമാണു ചില സൂചനകളുടെ അടിസ്ഥാനത്തില്‍ പൊലീസ് മുംബൈയിലേക്കു പോയത്. പ്രതി മുഹമ്മദ് റോഷന്‍ മൊബൈല്‍ ഫോണ്‍ ഓഫ് ചെയ്തത് തുടക്കത്തില്‍ അന്വേഷണത്തെ ബാധിച്ചു. എന്നാല്‍, റോഷന്റെ കേരളത്തിനു പുറത്തുള്ള ഒരു ബന്ധുവിന്റെ ഫോണിലേക്കു വന്ന കോളിനെക്കുറിച്ചുള്ള സംശയം പൊലീസിനു തുണയായി. ഇതിനെ പിന്തുടര്‍ന്നുള്ള അന്വേഷണമാണു മുംബൈയിലേക്കു നീണ്ടത്. കൊല്ലം പൊലീസിന്റെ 2 സംഘങ്ങള്‍ ഇപ്പോള്‍ മുംബൈയിലെത്തിയിട്ടുണ്ട്. വനിത സിവില്‍ പൊലീസ് ഓഫിസര്‍മാര്‍ ഉള്‍പ്പെട്ട സംഘം താമസിയാതെ ഇവരെ നാട്ടിലെത്തിക്കാനുള്ള ശ്രമം തുടങ്ങും.
പെണ്‍കുട്ടിയുമായി എറണാകുളത്തെത്തിയ റോഷന്‍ അവിടെ നിന്നു ട്രെയിന്‍ മാര്‍ഗം ബംഗളൂരുവിലേക്കു പോയെന്നാണ് ആദ്യം പൊലീസ് പറഞ്ഞിരുന്നത്. പിന്നീട് ഇവര്‍ മുംബൈയിലെത്തിയത് എങ്ങനെയാണെന്നു വ്യക്തമല്ല. ഗുണ്ടാസംഘാംഗങ്ങളായ കേസിലെ മറ്റു 3 പ്രതികളെ ഓച്ചിറ പൊലീസ് നേരത്തെ അറസ്റ്റ് ചെയ്തിരുന്നു. തട്ടിക്കൊണ്ടു പോയ സംഭവത്തില്‍ പ്രതിഷേധിച്ചും സര്‍ക്കാരിനെയും പൊലീസിനെയും കുറ്റപ്പെടുത്തിയും വിവിധ രാഷ്ട്രീയപാര്‍ട്ടികള്‍ പ്രക്ഷോഭം ആരംഭിച്ചിരിക്കെയാണു പെണ്‍കുട്ടിയെ കണ്ടെത്തിയ വിവരങ്ങള്‍ പുറത്തുവന്നിരിക്കുന്നത്.
പെണ്‍കുട്ടിയുമായി എറണാകുളത്തെത്തിയ റോഷന്‍ അവിടെ നിന്നു ട്രെയിന്‍ മാര്‍ഗം ബംഗളൂരുവിലേക്കു പോയെന്നാണ് ആദ്യം പൊലീസ് പറഞ്ഞിരുന്നത്. പിന്നീട് ഇവര്‍ മുംബൈയിലെത്തിയത് എങ്ങനെയാണെന്നു വ്യക്തമല്ല. ഗുണ്ടാസംഘാംഗങ്ങളായ കേസിലെ മറ്റു 3 പ്രതികളെ ഓച്ചിറ പൊലീസ് നേരത്തെ അറസ്റ്റ് ചെയ്തിരുന്നു. തട്ടിക്കൊണ്ടു പോയ സംഭവത്തില്‍ പ്രതിഷേധിച്ചും സര്‍ക്കാരിനെയും പൊലീസിനെയും കുറ്റപ്പെടുത്തിയും വിവിധ രാഷ്ട്രീയപാര്‍ട്ടികള്‍ പ്രക്ഷോഭം ആരംഭിച്ചിരിക്കെയാണു പെണ്‍കുട്ടിയെ കണ്ടെത്തിയ വിവരങ്ങള്‍ പുറത്തുവന്നിരിക്കുന്നത്.
https://ift.tt/2wVDrVv
This post have 0 komentar
EmoticonEmoticon