ന്യൂഡല്ഹി: അന്പത് ശതമാനം വിവിപാറ്റ് തന്നെ എണ്ണണമെന്ന ആവശ്യവുമായി കോണ്ഗ്രസുള്പ്പടെ 21 പ്രതിപക്ഷ പാര്ട്ടികള് സുപ്രീംകോടതിയില് പുനഃപരിശോധനാ ഹര്ജി നല്കി. വിവിപാറ്റ് യന്ത്രങ്ങളില് കഴിഞ്ഞ ഘട്ടങ്ങളിലെ പോളിംഗിനിടെ വ്യാപകമായ ക്രമക്കേടുകളും തകരാറുകളും കണ്ടെത്തിയത് ചൂണ്ടിക്കാട്ടിയാണ് പ്രതിപക്ഷ പാര്ട്ടികളുടെ പുനഃപരിശോധനാ ഹര്ജി. എന്നാല് , വിവി പാറ്റ് രസീതുകള് എണ്ണാന് വലിയ സമയം വേണ്ടിവരുമെന്നും ഫലപ്രഖ്യാപനം ദിവസങ്ങള് നീളുമെന്നും തെരഞ്ഞെടുപ്പ് കമ്മീഷന് കോടതിയെ അറിയിച്ചിരുന്നു. ഇതേത്തുടര്ന്നാണ് ഒരു നിയമസഭാ മണ്ഡലത്തിലെ അഞ്ച് വിവിപാറ്റ് മെഷീനുകള് എടുത്ത് അത് എണ്ണി കൃത്യത പരിശോധിച്ചാല് മതിയെന്ന് സുപ്രീംകോടതി വിധിച്ചത്.
എന്നാല് കേരളത്തില് കോണ്ഗ്രസിന് കുത്തിയ വോട്ടുകള് ബിജെപിക്ക് വീണതായി പരാതി ഉയര്ന്നെന്നും, സമാനമായ പരാതികള് ഉത്തര്പ്രദേശില് വ്യാപകമായി റിപ്പോര്ട്ട് ചെയ്യപ്പെട്ടെന്നും പുനഃപരിശോധനാ ഹര്ജിയില് പ്രതിപക്ഷം പറയുന്നു. വിധി വന്നതിന് ശേഷം ന്യൂഡല്ഹിയില് ഈ വിഷയം ചര്ച്ച ചെയ്യാന് പ്രതിപക്ഷ പാര്ട്ടികള് യോഗം ചേര്ന്നിരുന്നു. ഇതിനെതിരെ വീണ്ടും സുപ്രീംകോടതിയെ സമീപിക്കണമെന്ന് ആ യോഗത്തിലും ധാരണയായിരുന്നതാണ്. ഏപ്രില് 23 - ന് നടന്ന, രാജ്യത്തെ ഏറ്റവും വലിയ ഘട്ടം പോളിംഗിലും സമാനമായ പരാതികള് ഉയര്ന്നതോടെയാണ് പ്രതിപക്ഷ പാര്ട്ടികള് നീക്കം വേഗത്തിലാക്കിയത്.
ജനാധിപത്യത്തില് എല്ലാവരേയും കേള്ക്കേണ്ടതുണ്ടെന്ന് ചൂണ്ടിക്കാട്ടിയാണ് ചീഫ് ജസ്റ്റിസ് ഒരു മണ്ഡലത്തിലെ അഞ്ച് വിവി പാറ്റുകള് എണ്ണണമെന്ന് വിധി പുറപ്പെടുവിച്ചത്. നിലവില് ഒരു മണ്ഡലത്തിലെ ഒരു മെഷീനിലെ രസീതുകള് മാത്രമാണ് എണ്ണുന്നത്. ഇത് അഞ്ചാക്കി ഉയര്ത്തുന്നതുകൊണ്ട് ഗണ്യമായ സമയവ്യത്യാസം ഫലപ്രഖ്യാപനത്തില് ഉണ്ടാകാനിടയില്ല. ഏതെങ്കിലും സ്ഥാനാര്ത്ഥിക്ക് പരാതിയുണ്ടെങ്കില് വീണ്ടും വോട്ടെണ്ണല് നടത്താം. അപ്പോള് വേണ്ടിവന്നാല് മുഴുവന് വിവിപാറ്റ് രസീതുകളും എണ്ണാനാകുമെന്ന് തെരഞ്ഞെടുപ്പ് കമ്മീഷന് കോടതിയെ അറിയിച്ചു.
വിവി പാറ്റ് എണ്ണിയാല് വോട്ടെണ്ണല് അഞ്ച് ദിവസം വരെ നീളാമെന്നും തെരഞ്ഞെടുപ്പ് കമ്മീഷന് കോടതിയെ അറിയിച്ചിരുന്നു. ഫലം അറിയാതെ കാത്തിരിക്കാന് തയ്യാറാണെന്നാണ് പ്രതിപക്ഷ പാര്ട്ടികള് സുപ്രീം കോടതിയില് സത്യവാങ്മൂലം നല്കിയത്. അമ്പത് ശതമാനം വിവിപാറ്റ് രസീതുകള് എണ്ണുക തന്നെ വേണമെന്ന് കഴിഞ്ഞ ദിവസം ആം ആദ്മിയും ടിഡിപിയും അടക്കം 21 പ്രതിപക്ഷ പാര്ട്ടികള് സുപ്രീം കോടതിയില് സത്യവാങ്മൂലം നല്കിയിരുന്നു. എന്നാല് പ്രതിപക്ഷ പാര്ട്ടികളുടെ ആവശ്യം പരിഗണിച്ചാല് മെയ് 23 ന് നിശ്ചയിച്ച ഫലപ്രഖ്യാപനം നടക്കില്ലെന്ന് തെരഞ്ഞെടുപ്പ് കമ്മീഷനും കോടതിയെ അറിയിച്ചു.
400 പോളിംഗ് കേന്ദ്രങ്ങളടങ്ങുന്ന മണ്ഡലങ്ങളുണ്ടെന്നും വിവിപാറ്റ് എണ്ണുകയാണെങ്കില് ഇത്തരം മണ്ഡലങ്ങളിലെ ഫലപ്രഖ്യാപനത്തിന് ഒന്പത് ദിവസമെങ്കിലും വേണ്ടിവരുമെന്നും തെരഞ്ഞെടുപ്പ് കമ്മീഷന് പറയുന്നു. ഏതായാലും ഒടുവില് ഒരു മണ്ഡലത്തിലെ അഞ്ച് മെഷീനുകളുടെ രസീതുകള് എണ്ണാന് സുപ്രീം കോടതി വിധിക്കുകയായിരുന്നു.
ജനാധിപത്യത്തില് എല്ലാവരേയും കേള്ക്കേണ്ടതുണ്ടെന്ന് ചൂണ്ടിക്കാട്ടിയാണ് ചീഫ് ജസ്റ്റിസ് വിധി പുറപ്പെടുവിച്ചത്. നിലവില് ഒരു മണ്ഡലത്തിലെ ഒരു മെഷീനിലെ രസീതുകള് മാത്രമാണ് എണ്ണുന്നത്. ഇത് അഞ്ചാക്കി ഉയര്ത്തുന്നതുകൊണ്ട് ഗണ്യമായ സമയവ്യത്യാസം ഫലപ്രഖ്യാപനത്തില് ഉണ്ടാകാനിടയില്ല. ഏതെങ്കിലും സ്ഥാനാർത്ഥിക്ക് പരാതിയുണ്ടെങ്കില് വീണ്ടും വോട്ടെണ്ണല് നടത്താം. അപ്പോള് വേണ്ടിവന്നാല് മുഴുവന് വിവിപാറ്റ് രസീതുകളും എണ്ണാനാകുമെന്ന് തെരഞ്ഞെടുപ്പ് കമ്മീഷന് കോടതിയെ അറിയിച്ചു.
അന്പത് ശതമാനം വിവിപാറ്റ് രസീതുകള് എണ്ണണമെന്ന് ആവശ്യപ്പെട്ട് 21 പ്രതിപക്ഷ പാര്ട്ടികളാണ് സുപ്രീം കോടതിയില് ഹര്ജി നല്കിയത്. വിവിപാറ്റ് എണ്ണുന്നത് പ്രായോഗികമല്ലെന്നാണ് തെരഞ്ഞെടുപ്പ് കമ്മീഷന് കോടതിയില് നിലപാട് അറിയിച്ചത്. വിവി പാറ്റ് എണ്ണിയാല് വോട്ടെണ്ണല് അഞ്ച് ദിവസം വരെ നീളാമെന്നും തെരഞ്ഞെടുപ്പ് കമ്മീഷന് കോടതിയെ അറിയിച്ചിരുന്നു. ഫലം അറിയാന് കാത്തിരിക്കാന് തയ്യാറാണെന്നാണ് പ്രതിപക്ഷ പാര്ട്ടികള് സുപ്രീം കോടതിയില് സത്യവാങ്മൂലം നല്കിയത്.
http://bit.ly/2wVDrVv
This post have 0 komentar
EmoticonEmoticon