വാരാണസി: പ്രധാനമന്ത്രി നരേന്ദ്രമോദി വാരാണസി ലോകസഭ മണ്ഡലത്തില്‍ നാമനിര്‍ദേശ പത്രിക സമര്‍പ്പിച്ചു. പത്രിക സമര്‍പ്പണത്തിന് ബിജെപി ദേശീയ അധ്യക്ഷന്‍ അമിത് ഷായും കേന്ദ്രമന്ത്രിമാരും യുപി മുഖ്യമന്ത്രി യോഗി ആദിത്യനാഥും ഉള്‍പ്പെടെ എന്‍ഡിഎ കക്ഷിനേതാക്കളെല്ലാം മോദിക്കൊപ്പം വാരാണസി കലക്ടറേറ്റിലെത്തിയിരുന്നു.
വാരാണസിയിലെ കാലഭൈരവ ക്ഷേത്രത്തിലെത്തി പ്രാര്‍ഥന നടത്തിയ ശേഷമാണ് പ്രധാനമന്ത്രി നാമനിര്‍ദേശ പത്രിക സമര്‍പ്പിച്ചത്. ഇതു രണ്ടാം തവണയാണ് വാരാണസിയില്‍നിന്നു മോദി ജനവിധി തേടുന്നത്.
2014ല്‍ 3,71,784 വോട്ടുകളുടെ ഭൂരിപക്ഷമാണ് മോദിക്ക് വാരാണസിയില്‍നിന്നു ലഭിച്ചത്. ആകെ ലഭിച്ചത് 5,81,022 വോട്ടുകള്‍. അന്ന് രണ്ടാം സ്ഥാനത്തായിരുന്ന എഎപി നേതാവും ഡല്‍ഹി മുഖ്യമന്ത്രിയുമായ അരവിന്ദ് കേജ്‌രിവാളിന് 2,09,238 വോട്ടുകള്‍ ലഭിച്ചിരുന്നു.
This post have 0 komentar
EmoticonEmoticon