ശ്രീനഗര്‍: ജമ്മുദേശീയ പാതയില്‍ ആഴ്ചയില്‍ രണ്ടു ദിവസത്തെ ഗതാഗത നിയന്ത്രണം.സുരക്ഷാക്രമീകരണങ്ങള്‍ ശക്തമാക്കുന്നതിന്റെ ഭാഗമായാണ് ബാരാമുള്ള മുതല്‍ ഉധംപുര്‍ വരെ 270 കിലോമീറ്റര്‍ ദേശീയ പാതയില്‍ ഞായര്‍, ബുധന്‍ ദിവസങ്ങളില്‍ ഗതാഗതം നിരോധിച്ചിരിക്കുന്നത്. സേനാവാഹനങ്ങള്‍ക്ക് സുഗമമായി കടന്നുപോകുന്നതിന് വേണ്ടിയാണിത്.
നിയന്ത്രണം നിലവില്‍ വന്നതിനെ തുടര്‍ന്ന് നൂറ് കണക്കിന് വാഹനങ്ങള്‍ ഗതാഗതകുരുക്കില്‍ പെട്ടിരിക്കുകയാണ്. കര്‍ശനനിയന്ത്രണം ഉള്ളതു കൊണ്ട് അത്യാവശ്യസര്‍വീസുകള്‍ക്ക് പ്രത്യേക യാത്രാപാസുകള്‍ അനുവദിച്ച് നല്‍കാന്‍ മജിസ്ട്രേറ്റുകള്‍ക്ക് നിര്‍ദേശം നല്‍കിയിട്ടുണ്ടെന്ന് ഔദ്യോഗിക വൃത്തങ്ങള്‍ അറിയിച്ചു.
ഞായറാഴ്ച രാവിലെ അനന്ത്നാഗ് ജില്ലയിലെ ഒരു വിവാഹസംഘത്തിന് കടന്ന് പോകാന്‍ പ്രത്യേക പാസ് അനുവദിച്ചു നല്‍കി. എന്നാല്‍ പന്ത്രണ്ട് പേര്‍ക്ക് മാത്രമാണ് വരനൊപ്പം കടന്നു പോകാന്‍ അനുമതി ലഭിച്ചത്. അഡീഷണല്‍ ജില്ലാ മജിസ്ട്രേറ്റാണ് പാസ് നല്‍കിയത്.
This post have 0 komentar
EmoticonEmoticon