കോട്ടയം: നാഗമ്ബടം പഴയ റെയില്‍വേ മേല്‍പാലം നിയന്ത്രിത സ‌്ഫോടനത്തിലൂടെ പൊളിക്കാനുള്ള ശ്രമം റെയില്‍വേ ഉപേക്ഷിച്ചു. പാലത്തിന്റെ കോണ്‍ക്രീറ്റ‌് മുറിച്ചുമാറ്റുന്ന രീതിയോ, പാലം വശത്തേക്ക‌് തള്ളി വച്ചശേഷം താഴെയിറക്കുന്ന രീതിയോ നടപ്പാക്കാനാണ‌് ആലോചിക്കുന്നത‌്.
പാലം വശത്തേക്ക‌് തള്ളി വയ‌്ക്കുന്ന രീതിയാണെങ്കില്‍ റെയില്‍ ഗതാഗത നിയന്ത്രണം കുറച്ചു സമയത്തേക്ക‌് മതിയാകും. കോണ്‍ക്രീറ്റ‌് മുറിക്കുന്ന രീതിയാണെങ്കില്‍ കുറെ സമയം ഗതാഗതം വഴിതിരിച്ചു വിടേണ്ടിവരും. അതിനാല്‍ പാലം തള്ളി വയ‌്ക്കുന്നതാവും നല്ലതെന്നും ഉന്നത ഉദ്യോഗസ്ഥരുമായി ആലോചിച്ചേ തീരുമാനമെടുക്കൂവെന്നും റെയില്‍വേ അധികൃതര്‍ അറിയിച്ചു.
പാലം വശത്തേക്ക‌് തള്ളിമാറ്റി നാഗമ്ബടം സ‌്റ്റേഡിയത്തിന്റെ ഭാഗത്ത‌് താഴെ ഇറക്കി വയ്ക്കാനാണ‌് ആലോചന. നിലത്തുവച്ചശേഷം പൊട്ടിച്ചുമാറ്റും. പഴയ പാലത്തിന്റെ ഉയരത്തില്‍ താങ്ങ‌് ഉണ്ടാക്കി അതിലേക്ക‌് തള്ളിമാറ്റുന്ന സാങ്കേതികവിദ്യയാണ‌് ഉപയോഗിക്കുക. സ‌്റ്റീല്‍ ഗ്രിപ്പ‌് ഉപയോഗിച്ചാവും താങ്ങ‌് നിര്‍മിക്കുക. സ‌്റ്റേജ‌് ഇടുകയെന്ന‌ാണ‌് റെയില്‍വേ എന്‍ജിനിയര്‍മാര്‍ പറയുന്നത‌്. ഹൈഡ്രോളിക്ക‌് ജാക്കി ഉപയോഗിച്ചാവും പാലം തള്ളി മാറ്റുക. പുതിയ മേല്‍പാലം ഉറപ്പിക്കാന്‍ ഉപയോഗിച്ച സാങ്കേതിക വിദ്യയും ഇത്തരത്തിലുള്ളതായിരുന്നു.
http://bit.ly/2wVDrVv
This post have 0 komentar
EmoticonEmoticon