ന്യൂഡല്‍ഹി: ഈസ്റ്റ് ഡല്‍ഹി ബിജെപി സ്ഥാനാര്‍ഥി ഗൗതം ഗംഭീറിന് രണ്ട് വോട്ടര്‍ ഐഡി കാര്‍ഡുകളുണ്ടെന്ന ആരോപണവുമായി ആം ആദ്മി പാര്‍ട്ടി. എ.എ.പി നേതാവ് അതിഷി മര്‍ലിന ഗംഭീറിനെതിരെ കോടതിയില്‍ ക്രിമിനല്‍ കേസ് ഫയല്‍ ചെയ്തു.
ഡല്‍ഹിയിലെ കരോള്‍ ബാഗിലുംരജീന്ദര്‍ നഗറിലുമായി രണ്ട് വോട്ടര്‍ ഐഡികളുണ്ടെന്ന് അതിഷി നല്‍കിയ പരാതിയില്‍ പറയുന്നു. രണ്ടും വരുന്ന സെന്‍ട്രല്‍ ഡെല്‍ഹി പാര്‍ലമെന്റ് സീറ്റിലാണ്. സെക്ഷന്‍ 17 പ്രകാരം വ്യാജ സത്യവാങ്മൂലം നല്‍കുന്നത് ശിക്ഷാര്‍ഹമാണെന്നും, ഒരു വര്‍ഷം വരെ തടവ് ശിക്ഷ അനുഭവിക്കേണ്ടി വരുമെന്നും അതിഷി ട്വിറ്ററില്‍ കുറിച്ചു. എന്നാല്‍ വിഷയത്തില്‍ ഗംഭീര്‍ ഇതുവരെ പ്രതികരിച്ചിട്ടില്ല.
ഗംഭീറിന്റെ രണ്ട് മണ്ഡലങ്ങളിലേയും വോട്ടര്‍ ഐഡികളുടെ ചിത്രങ്ങള്‍ അതിഷി ട്വീറ്റ് ചെയ്തിട്ടുമുണ്ട്. അരവിന്ദ് കെജ്രിവാളടക്കമുള്ള നേതാക്കളും ഗംഭീറിനെതിരെ രംഗത്തെത്തിയിട്ടുണ്ട്. ഉടന്‍ അയോഗ്യനാക്കപ്പെടാന്‍ പോകുന്ന ഒരാള്‍ക്ക് വോട്ട് നല്‍കി വോട്ട് പാഴക്കരുതെന്ന് കെജ്രിവാള്‍ ട്വിറ്ററില്‍ കുറിച്ചു.
My appeal to the citizens of East Delhi Lok Sabha - pls don’t waste your vote by voting for @GautamGambhir; he is going to get disqualified sooner or later for having two Voter ID cards! अपना वोट व्यर्थ ना करें! #GambhirApradh pic.twitter.com/6bxGnT4n93
— Atishi (@AtishiAAP) April 26, 2019
This post have 0 komentar
EmoticonEmoticon