തിരുവനന്തപുരം: തെലങ്കാന മുഖ്യമന്ത്രി ചന്ദ്രശേഖര്‍ റാവു മുഖ്യമന്ത്രി പിണറായി വിജയനുമായി കൂടിക്കാഴ്ച നടത്തി. മുഖ്യമന്ത്രിയുടെ ഔദ്യോഗിക വസതിയായ ക്ലിഫ്ഹൗസില്‍ വച്ചായിരുന്നു കൂടിക്കാഴ്ച. ഏഴു മണിയോടെ എത്തിയ റാവു ഒരു മണിക്കൂറോളം പിണറായിയുമായി ചര്‍ച്ച നടത്തി.
ടിആര്‍എസ് എം.പിമാരായ സന്തോഷ്കുമാര്‍, വിനോദ്കുമാര്‍ എന്നിവരും തെലങ്കാന മുഖ്യമന്ത്രിയോടൊപ്പമുണ്ടായിരുന്നു.
രണ്ടു ദിവസത്തെ കേരള സന്ദര്‍ശനത്തിനായി തിങ്കളാഴ്ച വൈകുന്നേരമാണ് ചന്ദ്രശേഖര്‍ റാവു തിരുവനന്തപുരത്തെത്തിയത്. ഭാര്യ കെ. ശോഭയും രണ്ടു പേരക്കുട്ടികളും അദ്ദേഹത്തോടൊപ്പമുണ്ട്. വൈകിട്ട് ശ്രീപദ്മനാഭസ്വാമി ക്ഷേത്രത്തില്‍ അദ്ദേഹം കുടുംബസമേതം ദര്‍ശനം നടത്തി. കോവളത്ത് തങ്ങുന്ന സംഘം നാളെ ഉച്ചയ്ക്കു ശേഷം കന്യാകുമാരിയിലേക്ക് പോകും. അവിടുന്ന് ഹൈദരാബാദിലേക്ക് മടങ്ങും.
This post have 0 komentar
EmoticonEmoticon