ഉദയ്പുർ: അയോധ്യയിൽ രാമക്ഷേത്ര നിർമാണം ഉടൻ ആരംഭിക്കുമെന്ന സൂചന നൽകി ആർഎസ്എസ് മേധാവി മോഹൻ ഭാഗവത്. വൈകാതെ തന്നെ രാമക്ഷേത്രത്തിനു വേണ്ടിയുള്ള ജോലികള് ആരംഭിക്കുകയും പൂര്ത്തീകരിക്കുകയും ചെയ്യേണ്ടതുണ്ടെന്ന്അദ്ദേഹം പറഞ്ഞു. രാജസ്ഥാനിലെ ഉദയ്പുരിൽ സംസാരിക്കുകയായിരുന്നു അദ്ദേഹം.
"രാമക്ഷേത്രനിര്മ്മാണം തുടങ്ങുകയും പൂര്ത്തിയാക്കുകയും ചെയ്യേണ്ടതുണ്ട്. അത് നമ്മുടെ ജോലിയാണ്. രാമന് നമ്മളില് ജീവിക്കുന്നു. അതുകൊണ്ട് തന്നെ ഇത് നമ്മള് ചെയ്യേണ്ടതാണ്. ഇനി ആ ജോലി മറ്റാരെയെങ്കിലും ഏല്പ്പിക്കുകയാണെങ്കിലും നമ്മുടെ ശ്രദ്ധ അതിലുണ്ടാവണം." - മോഹൻ ഭാഗവത് പറഞ്ഞു'
ഭരണഘടനയുടെ ചട്ടക്കൂടിനകത്ത് നിന്നുകൊണ്ട് തന്നെ രാമക്ഷേത്രത്തിനുള്ള സാധ്യത ആരായുമെന്നും ക്ഷേത്രനിര്മ്മാണത്തിനുള്ള നടപടികള് ആരംഭിക്കുമെന്നും ബിജെപി പ്രകടനപത്രികയില് വാഗ്ദാനം ചെയ്തിരുന്നു. എൻഡിഎ സർക്കാർ വീണ്ടും അധികാരത്തിലെത്തിയശേഷം ആദ്യമായാണ് രാമക്ഷേത്ര നിർമാണം സംബന്ധിച്ച പ്രസ്താവനയുമായി ആർഎസ്എസ് രംഗത്തെത്തിയിരിക്കുന്നത്.
This post have 0 komentar
EmoticonEmoticon