ബംഗാളിൽ ജനാധിപത്യത്തിന്​ ശ്വാസംമുട്ടുന്നുവെന്ന്​ അമിത് ഷാ; അമിത്​ ഷാ ​ദൈവമാ​ണോയെന്ന്​ മമത

കൊൽക്കത്ത: പശ്ചിമ ബംഗാൾ മുഖ്യമന്ത്രി മമത ബാനർജിയും ബിജെപി ദേശീയാധ്യക്ഷൻ അമിത്​ഷായും വാക്ക് പോരുമായി നേർക്കുനേർ. ബംഗാളിൽ ജനാധിപത്യത്തിന്​ ശ്വാസംമുട്ടുകയാണെന്ന്​  അമിത്​ഷാ ആരോപിച്ചു. എന്നാൽ, അമിത്​ഷാ ദൈവ​മാണോ ആരും  പ്രതിഷേധിക്കതിരിക്കാനെന്ന് മമത ബാനർജിയും തിരിച്ചടിച്ചു. തെ​ര​ഞ്ഞെ​ടു​പ്പ്​ പ്ര​ചാ​ര​ണ​ത്തി​നെ​ത്തി​യ അ​മി​ത്​ ഷാ​യു​ടെ ‘റോ​ഡ്​​ഷോ’​ക്ക്​ നേ​രെ കൊ​ൽ​ക്ക​ത്ത​യി​ൽ ക​ല്ലേ​റും ക​രി​െ​ങ്കാ​ടി​യും ഉണ്ടായതിൻെറ പിറകെയാണ്​ ഇരുവരുടെയും വാക്ക് പോര്.

ബംഗാളിൽ പഞ്ചായത്ത്​ തെരഞ്ഞെടുപ്പിനിടെയുണ്ടായ അക്രമങ്ങളിൽ 60 ബി.ജെ.പി പ്രവർത്തകർ കൊല്ലപ്പെട്ടു. തെരഞ്ഞെടുപ്പിനെ സ്വാധീനിക്കാൻ ശ്രമമുണ്ടായി. തൃണമൂൽ ഗുണ്ടകളുടെ അക്രമങ്ങൾ സഹിക്കുന്ന  ബംഗാളിലെ ജനങ്ങളിൽ വിശ്വാസമുണ്ടെന്നും അമിത്​ ഷാ പറഞ്ഞു. 

അക്രമസംഭവങ്ങൾ ബിജെപി ബംഗാളിനു പുറത്തു നിന്ന്​ ഇറക്കിയ ഗുണ്ടകൾ സൃഷ്​ടിച്ചതാണെന്ന്​ മുഖ്യമന്ത്രി മമതാ ബാനർജി തിരിച്ചടിച്ചു. അമിത്​ ഷാ ആരാണ്​ എന്നാണ്​ കരുതുന്നത്​? അദ്ദേഹം എല്ലാത്തിനും മുകളിലാണെന്നാണോ വിചാരം? ആരും പ്രതിഷേധിക്കാതിരിക്കാൻ അമിത്​ ഷാ ദൈവമാണോ? - നോർത്ത്​ കൊൽക്കത്തയിലെ വിദ്യാസാഗർ കോളജ്​ സന്ദർശിച്ച ശേഷം സംസാരിക്കുകയായിരുന്നു മമത. 

വി​ദ്യാ​സാ​ഗ​ർ കോ​ള​ജി​ന്​ പു​റ​ത്തു​നി​ന്നും യൂ​നി​വേ​ഴ്​​സി​റ്റി ഹോ​സ്​​റ്റ​ലി​ൽ​നി​ന്നും അമിത്​ ഷായുടെ വാ​ഹ​ന​വ്യൂ​ഹ​ത്തി​നു നേ​രെ ക​ല്ലേ​റു​ണ്ടാ​യിരുന്നു. തുടർന്ന്​  ബി.​ജെ.​പി പ്ര​വ​ർ​ത്ത​ക​ർ ഹോ​സ്​​റ്റ​ലി​​​​െൻറ ഗേ​റ്റ്​ പൂ​ട്ടി​യി​ടു​ക​യും ഗേ​റ്റി​ന്​ പു​റ​ത്തു​ള്ള ബൈ​ക്കു​ക​ൾ​ക്ക്​ തീ​വെ​ക്കു​ക​യും ഹോ​സ്​​റ്റ​ലി​ന്​ നേ​രെ ക​ല്ലെ​റി​യു​ക​യും ചെ​യ്​​തു. ഇ​തി​നി​ട​യി​ൽ കോ​ള​ജി​ന്​ മു​മ്പി​ലു​ള്ള കോ​ള​ജി​​​​െൻറ സ്​​ഥാ​പ​ക​നാ​യ ഇൗ​ശ്വ​ർ ച​ന്ദ്ര വി​ദ്യാ​സാ​ഗ​റി​​​​െൻറ പ്ര​തി​മ ബി.​ജെ.​പി​ക്കാ​ർ ത​ക​ർ​ത്തിരുന്നു. പൊ​ലീ​സെത്തിയാണ്​​ രം​ഗം ശാ​ന്ത​മാ​ക്കിയത്​. 

http://bit.ly/2wVDrVv