ബ്രസീല്‍: കോപ്പ അമേരിക്ക കപ്പിൽ ആതിഥേയരായ ബ്രസീൽ നാളെ രണ്ടാം അങ്കത്തിന് ഇറങ്ങും. വെനിസ്വേലക്കെതിരെയാണ് ബ്രസീലിന്റെ നാളത്തെ മത്സരം. നാളെ രാവിലെ ആറ് മണിക്കാണ് ബ്രസീൽ - വെനിസ്വേല മത്സരം. കണക്കിലും കരുത്തിലും വെനിസ്വേലയെക്കാൾ ഏറെ മുന്നിലാണ് ബ്രസീൽ.
സൂപ്പര്‍ തരാം നെയ്മര്‍ ഇല്ലാതെയാണ് ബ്രസീല്‍ ഇത്തവണ കോപ്പ അമേരിക്ക കളിക്കുന്നത്. എങ്കിലും അതിന്റെ കുറവ് അറിയിക്കാതെ മികച്ച ഫോമിലാണ് ബ്രസീൽ. ബൊളീവിയക്കെതിരായ ആദ്യ മത്സരത്തിൽ ഈ മികവ് കണ്ടതാണ്. എതിരില്ലാത്ത മൂന്ന് ഗോളുകൾക്കാണ് ബൊളിവിയായെ ബ്രസീൽ തകർത്ത് വിട്ടത്. ഈ ഇലവനിൽ നിന്ന് കാര്യമായ മാറ്റങ്ങളില്ലാതെയാകും ബ്രസീൽ ഇറങ്ങുക.
അതേസമയം, ഗ്രൂപ്പിലെ രണ്ടാം മത്സരത്തിനിറങ്ങുന്ന വെനിസ്വേലയ്ക്ക് മുന്നോട്ട് പോകണമെങ്കിൽ ഇന്ന് ജയം അനിവാര്യമാണ്. പെറുവിനെതിരായ ആദ്യ മത്സരത്തിൽ ഗോൾ രഹിത സമനില വഴങ്ങിയാണ് ടീം ഇന്ന് എത്തുന്നത്.
ബ്രസീൽ - വെനിസ്വേല മത്സരം കൂടാതെ ഗ്രൂപ്പ് എ യിലെ മറ്റു രണ്ടു ടീമുകൾ കൂടി നാളെ പുലർച്ചെ മത്സരത്തിന് ഇറങ്ങുന്നുണ്ട്. ആദ്യ മത്സരത്തില്‍ ബൊളീവിയ പെറുവിനെ നേരിടും. നാളെ പുലര്‍ച്ചെ മൂന്ന് മണിക്കാണ് മത്സരം ആരംഭിക്കുന്നത്.
http://bit.ly/2wVDrVv
This post have 0 komentar
EmoticonEmoticon