കൊച്ചി: സീറോ മലബാര്‍ സഭ അധ്യക്ഷന്‍ കര്‍ദിനാള്‍ മാര്‍ ജോര്‍ജ‌് ആലഞ്ചേരിക്കെതിരെ വ്യാജരേഖ ചമച്ച കേസില്‍ ഒരാള്‍ കൂടി അറസ്റ്റില്‍. മൂന്നാം പ്രതി ആദിത്യന്‍റെ സുഹൃത്ത് വിഷ്ണു റോയിയാണ് അറസ്റ്റിലായത്. ബംഗളൂരുവില്‍ വെച്ച്‌ പിടിയിലായ വിഷ്ണുവിനെ കൊച്ചിയില്‍ എത്തിച്ചു.
കേസിലെ മൂന്നാം പ്രതി ആദിത്യന്‍റെ മൊഴിയുടെ അടിസ്ഥാനത്തിലാണ് വിഷ്ണുവിന്‍റെ അറസ്റ്റ്. അന്വേഷണ സംഘം വിഷ്ണു റോയിയെ വിശദമായി ചോദ്യം ചെയ്തുവരികയാണ്. വ്യാജരേഖ ഉണ്ടാക്കാന്‍ ആവശ്യമായ വസ്തുക്കള്‍ നല്‍കിയത് വിഷ്ണു റോയി ആണെന്ന് ആദിത്യന്‍ അന്വേഷണ സംഘത്തിന് നല്‍കിയിട്ടുള്ള മൊഴി.
കേസില്‍ ഫാ. പോള്‍ തേലക്കാട്ടാണ‌് ഒന്നാം പ്രതി. ബിഷപ് ജേക്കബ‌് മനത്തോടത്ത‌്, ആദിത്യ, ഫാ. ടോണി കല്ലൂക്കാരന്‍ എന്നിവരാണ‌് യഥാക്രമം രണ്ടു മുതല്‍ നാലുവരെ പ്രതികള്‍. ഭൂമി ഇടപാടില്‍ മാര്‍ ആലഞ്ചേരിയുടെ പേരില്‍ വ്യാജ ബാങ്ക‌് അക്കൗണ്ടുകള്‍ ഉണ്ടാക്കിയെന്നാണ‌് കേസ‌്. അവ ഫാ. പോള്‍ തേലക്കാട്ട‌ിന‌് ഇ-മെയില്‍ വഴി അയച്ചു. ബിഷപ് ജേക്കബ‌് മനത്തോടത്ത‌് ഇവ സീറോ മലബാര്‍ സഭ സിനഡില്‍ അവതരിപ്പിച്ചു.
https://ift.tt/2wVDrVv
This post have 0 komentar
EmoticonEmoticon