മലപ്പുറം: പ്രതിപക്ഷ നേതാക്കളുടെ കാശ്‌മീർ സന്ദര്‍ശനം നാടകമാണെന്ന യൂത്ത് ലീഗിന്റെ വിവാദ പരാമർശത്തിനെതിരെ പി.കെ കുഞ്ഞാലിക്കുട്ടി എം.പി. യൂത്ത് ലീഗ് ദേശീയ പ്രസിഡന്റ് സാബിര്‍ ഗഫാറിന്റെ അഭിപ്രായത്തെ കുഞ്ഞാലികുട്ടി തള്ളി. പ്രതിപക്ഷത്തിന്റെ കാശ്‌മീർ സന്ദർശനത്തെ കുറിച്ച് പാർട്ടിയിൽ രണ്ട് അഭിപ്രായമില്ലെന്നും കുഞ്ഞാലികുട്ടി പറഞ്ഞു.
ഏത് സാഹചര്യത്തിലാണ് യൂത്ത് ലീഗ് ദേശീയ പ്രസിഡന്റ് സാബിര്‍ ഗഫാറിന്റെ പരാമര്‍ശമുണ്ടായതെന്ന് പരിശോധിക്കും. ഡല്‍ഹിയില്‍ ഉണ്ടായിരുന്ന നേതാക്കള്‍ പെട്ടെന്ന് എടുത്ത തീരുമാനമായതിനാല്‍ കശ്മീര്‍ സന്ദര്‍ശനം ലീഗിനെ അറിയിച്ചിരുന്നില്ലെന്നും കുഞ്ഞാലിക്കുട്ടി വ്യക്തമാക്കി.
പ്രതിപക്ഷത്തിന്റെ കശ്മീര്‍ സന്ദര്‍ശനം രാഷ്ട്രീയ നാടകമാണെന്നും നേതാക്കളെ ശ്രീനഗറില്‍ തടയുമെന്ന് അറിയാമായിരുന്നു. അതിനാലാണ് ലീഗ് നേതാക്കള്‍ പോകാതിരുന്നതെന്നുമാണ് യൂത്ത് ലീഗ് ദേശീയ പ്രസിഡന്റ് സാബിര്‍ ഗഫാര്‍ പറഞ്ഞിരുന്നത്.
https://ift.tt/2wVDrVv
This post have 0 komentar
EmoticonEmoticon