കെ.എസ്​.ആർ.ടി.സി: അഡ്വൈസ്​ മെമ്മോ ലഭിച്ച ഉദ്യോഗാർഥികൾ വ്യാഴാഴ്​ച തിരുവനന്തപുരത്ത് നേരിട്ടെത്തണം

ഹൈക്കോടതി ഉത്തരവിനെ തുടർന്ന് കെ.എസ്​.ആർ.ടി.സി​ എം പാനൽ ജീവനക്കാരെ പിരിച്ചുവിട്ട സാഹചര്യത്തിൽ പുതിയ നിയമന നടപടികൾ സർക്കാർ ഉൗർജ്ജിതമാക്കി. കണ്ടക്​ടർ തസ്​തികയിൽ അഡ്വൈസ്​ മെമ്മോ ലഭിച്ച ഉദ്യോഗാർഥികൾ വ്യാഴാഴ്​ച (20-12-2018) തിരുവനന്തപുരം ഫോർട്ടിലെ കെ.എസ്​.ആർ.ടി.സി ആസ്​ഥാന മന്ദിരത്തിൽ​ നേരിട്ടെത്തി നിയമന ഉത്തരവ്​ കൈപ്പറ്റണമെന്ന്​ എം.ഡി ടോമിൻ ജെ. തച്ചങ്കരി അറിയിച്ചു. 

4051 പേരെയാണ്​ നിയമിക്കുന്നത്​. നിയമന ഉത്തരവുകൾ തപാൽ മാർഗം അയച്ചത്​ ലഭിക്കാനുള്ള കാലതാമസം ഒഴിവാക്കുന്നതിനാണ്​ അവ നേരിൽ നൽകുന്നതിനുള്ള നടപടി ബോർഡ്​ സ്വീകരിക്കുന്നത്​. അസൗകര്യം ഒഴിവാക്കുന്നതിനായി നാല്​ ബാച്ചുകളായി എത്താനാണ്​ ആവശ്യപ്പെട്ടിരിക്കുന്നത്​. 

ഒന്നു മുതൽ 1000വരെ നമ്പറുകരൊയ ഉദ്യോഗാർഥികൾ​ രാവിലെ 10 മണി മുതൽ 10.45 വരെയും 1001 മുതൽ 2000 വരെയുള്ളവർ 10.45 മുതൽ 11.30 വരെയും 2001 മുതൽ 3000 വരെ നമ്പറുകാർ 11.30 മുതൽ ഉച്ചക്ക്​ 12.15 വരെയും 3001 മുതൽ 4051 നമ്പറിലുള്ളവർ 12.15 മുതൽ ഒരു മണി വരെയുമുള്ള സമയത്ത്​ എത്തിച്ചേരണം. കൂടുതൽ വിവരങ്ങൾക്ക്​ 0471 2471011 എന്ന നമ്പറിൽ ബന്ധപ്പെടണം.

https://ift.tt/2wVDrVv