ന്യൂഡല്‍ഹി: ഡല്‍ഹി ജെ.എന്‍.യുവില്‍ നടന്ന വിദ്യാര്‍ഥി റാലിയില്‍ ഇന്ത്യാ വിരുദ്ധ മുദ്രാവാക്യം വിളിച്ചെന്ന കേസില്‍ കനയ്യ കുമാര്‍ ഉള്‍പ്പെടെ 10 പേര്‍ക്കെതിരെ ഇന്ന് കുറ്റപത്രം സമര്‍പ്പിക്കും. രാജ്യദ്രോഹ കുറ്റം ചുമത്തി ആണ് ജെ.എന്‍.യു വിദ്യാര്‍ഥി യൂണിയന്‍ പ്രസിഡന്റ് കനയ്യ ഉള്‍പ്പെടെ ഉള്ളവര്‍ക്ക് എതിരെ കുറ്റപത്രം സമര്‍പ്പിക്കുന്നത്.
രാജ്യ ദ്രോഹത്തിന് (IPC 124 A ), പുറമെ കലാപം ഉണ്ടാക്കല്‍ (147), അനധികൃതമായി സംഘം ചേരല്‍ (149) എന്നീ കുറ്റങ്ങളും ചുമത്തിയിട്ടുണ്ട്.
കനയ്യ കുമാര്‍ ആണ് പ്രകടനത്തിനും, മുദ്രാവാക്യം വിളിക്കും നേതൃത്വം നല്‍കിയത് എന്ന് പൊലിസ് കുറ്റപത്രത്തില്‍ ആരോപിച്ചിട്ടുണ്ട്. കനയ്യ കുമാറിന് പുറമെ സയ്യദ് ഉമര്‍ ഖാലിദ്, അനിര്‍ബാന്‍ ഭട്ടാചാര്യ എന്നിവര്‍ക്ക് എതിരെയും ഇന്ന് കുറ്റപത്രം സമര്‍പ്പിക്കും.
http://bit.ly/2wVDrVv
This post have 0 komentar
EmoticonEmoticon