ലക്നൗ: അക്രമികളെ ' ഠോ ഠോ ' ശബ്ദമുണ്ടാക്കി വിരട്ടിയോടിച്ച പൊലീസുകാരന് വീണ്ടും വാര്‍ത്തകളില്‍ . ഉത്തര്‍പ്രദേശ് സംഭാലിലെ എസ് ഐ മനോജ് കുമാറിനാണ് കഴിഞ്ഞ ദിവസമുണ്ടായ ഏറ്റുമുട്ടലില്‍ തോക്ക് പൊട്ടാത്തതിനെ തുടര്‍ന്ന് അക്രമികളുടെ വെടിയേറ്റത്. മനോജ് ഇപ്പോള്‍ ആശുപത്രിയില്‍ ചികിത്സയിലാണ്. ശബ്ദമുണ്ടാക്കി മനോജ് അക്രമികളെ പേടിപ്പിക്കുന്ന വീഡിയോ സമൂഹമാധ്യമങ്ങളില്‍ വ്യാപകമായി പ്രചരിച്ചിരുന്നു.
കഴിഞ്ഞ ദിവസമാണ് മനോജിന് അക്രമികളുടെ വെടിയേറ്റത്. വധശ്രമം, മോഷണം തുടങ്ങി നിരവധി കേസുകളില്‍ പ്രതിയായ സദ്ദാമെന്ന കുറ്റവാളിയെ പിടികൂടാനുള്ള ശ്രമത്തിനിടെയാണ് മനോജിന് വെടിയേറ്റതെന്ന് എസ് പി യമുന പ്രസാദ് പറഞ്ഞു. മനോജിന്റെ കൈക്കാണ് വെടിയേറ്റത്.
കഴിഞ്ഞ വര്‍ഷം ഒക്ടോബറിലാണ് രുക്സര്‍ എന്ന കുറ്റവാളിയെ പിടികൂടുന്നതിനിടയില്‍ മനോജ് മിമിക്രി കാട്ടിയത്. ഇയാളെ പിന്തുടര്‍ന്നെത്തിയ പൊലീസ് സംഘത്തിലെ ഒരാളുടെ തോക്കില്‍ നിന്ന് വെടിയുതിര്‍ക്കാന്‍ സാധിച്ചില്ല. ഇതേതുടര്‍ന്ന് മനോജ് കുമാര്‍ വെടിയുതിര്‍ക്കുന്ന ശബ്ദം അനുകരിക്കുകയായിരുന്നു.
കരിമ്പിന്‍തോട്ടത്തില്‍ ഒളിച്ച കുറ്റവാളികളെ പേടിപ്പിക്കാനായാണ് എസ് ഐ മനോജ് ഠോ..ഠോ.. എന്ന് ഉറക്കെ ശബ്ദമുണ്ടാക്കിയത്. ഇതിന്റെ വിഡിയോയാണ് സമൂഹമാധ്യമങ്ങളില്‍ പ്രചരിച്ചത്. നിരവധി ക്രമിനല്‍ കേസുകളില്‍ പ്രതിയായ രുക്സറിനെ പിന്നീട് പൊലീസ് അറസ്റ്റ് ചെയ്തു.
UP: Cop shouts 'thain thain' to scare criminals during an encounter in Sambhal after his revolver got jammed. A criminal carrying a bounty of Rs 25,000 was held after the encounter. pic.twitter.com/w46pfs1m49
— TOI Cities (@TOICitiesNews) October 14, 2018
This post have 0 komentar
EmoticonEmoticon