തിരുവനന്തപുരം: കെഎസ്ആര്‍ടിസി മാനേജ്‌മെറ്റിന്റെ പിടിപ്പുകേട് ജീവനക്കാര്‍ എന്തിനു സഹിക്കണമെന്ന് സുപ്രീംകോടതി. എം പാനല്‍ നിയമനം നടത്തുന്നതെന്തിനാണ്? നഷ്ടത്തിന്റെ കാരണം അറിയിക്കണം. കേസില്‍ സംസ്ഥാന സര്‍ക്കാരിനെ സുപ്രീംകോടതി കക്ഷിചേര്‍ത്തു.
താല്‍ക്കാലിക ജീവനക്കാരനായിരിക്കെയുളള സേവനകാലാവധിയും പെന്‍ഷന് പരിഗണിക്കണമെന്ന ഹൈക്കോടതി വിധിക്കെതിരെ കെഎസ്ആര്‍ടിസി സമര്‍പ്പിച്ച അപ്പീല്‍ പരിഗണിക്കുകയായിരുന്നു സുപ്രീംകോടതി. ജസ്റ്റിസ് എ.കെ. സിക്രി അധ്യക്ഷനായ ബെഞ്ചാണ് കേസ് പരിഗണിച്ചത്. സംസ്ഥാനസര്‍ക്കാരിനെ കക്ഷി ചേര്‍ക്കണമെന്നാവശ്യപ്പെട്ട് കെ.എസ്.ആര്‍.ടി.സി സമര്‍പ്പിച്ച അപേക്ഷയും കോടതി പരിഗണിച്ചു.
മാസം നൂറ്റിപത്ത് കോടി രൂപയുടെ നഷ്ടത്തിലാണ് പ്രവര്‍ത്തിക്കുന്നതെന്നും ഹൈക്കോടതി വിധി നടപ്പാക്കിയാല്‍ അടച്ചുപൂട്ടേണ്ടി വരുമെന്നും കെ.എസ്.ആര്‍.ടി.സി സത്യവാങ്മൂലം സമര്‍പ്പിച്ചിരുന്നു. നാനൂറ്റിയിരുപത്തിയെട്ട് കോടിയുടെ അധികബാധ്യത ഉണ്ടാകുമെന്നാണ് കെ.എസ്.ആര്‍.ടി.സിയുടെ വിലയിരുത്തല്‍.
http://bit.ly/2wVDrVv
This post have 0 komentar
EmoticonEmoticon