ലഖ്‌നൗ: കേന്ദ്രമന്ത്രി നിതിന്‍ ഗഡ്കരിയെ ഉപപ്രധാനമന്ത്രിയും ശിവരാജ് സിങ് ചൗഹാനെ പാര്‍ട്ടി അധ്യക്ഷനും ആക്കണമെന്ന് മുതിര്‍ന്ന ബിജെപി നേതാവ് സംഘ്പ്രിയ ഗൗതം അഭിപ്രായപ്പെട്ടു. ഈ പ്രസ്താവനയാണ് പാര്‍ട്ടിയിലെ ഉള്‍പ്പോരിന് തിരി കൊളുത്തിയത്. യോഗി ആദിത്യനാഥിനെ മാറ്റി രാജ്‌നാഥ് സിങിനെ ഉത്തര്‍പ്രദേശിന്റെ മുഖ്യമന്ത്രി ആക്കണമെന്നും അദ്ദേഹം പറഞ്ഞു.
നിലവിലെ പാര്‍ട്ടി അധ്യക്ഷന്‍ അമിത് ഷാ രാജ്യസഭയില്‍ കൂടുതല്‍ കാര്യക്ഷമമായി പ്രവര്‍ത്തിക്കട്ടെ എന്നാണ് അദ്ദേഹത്തിന്റെ അഭിപ്രായം. യോഗി ആദിത്യനാഥ് മതപരമായ കാര്യങ്ങളിലേക്ക് തിരിച്ച് പോകണമെന്നും സംഘ്പ്രിയ ഗൗതം പുറത്തിറക്കിയ പത്രക്കുറിപ്പിലൂടെ ആവശ്യപ്പെട്ടു.
ഇനിയൊരു മോദി തരംഗം ഉണ്ടാകുമോ എന്ന ചോദ്യത്തിന് വരാനിരിക്കുന്ന പൊതു തിരഞ്ഞെടുപ്പില്‍ അതുണ്ടാകില്ലെന്ന അഭിപ്രായമായിരുന്നു അദ്ദേഹത്തിന്റേത്. കേന്ദ്ര സര്‍ക്കാരിനെതിരെ ജനരോഷം പടര്‍ന്നു പിടിക്കുന്ന ഈ അവസരത്തിലെ ഒരു തിരഞ്ഞെടുപ്പില്‍ പരാജയം മാത്രമായിരിക്കു ഫലമെന്നും സംഘ്പ്രിയ പറഞ്ഞു. പല സംസ്ഥാനങ്ങളില്‍ നിന്നും പാര്‍ട്ടി തുടച്ചു നീക്കപ്പെട്ടേക്കാം. വാജ്‌പേയി സര്‍ക്കാരില്‍ മന്ത്രിയായിരുന്നു സംഘ്പ്രിയ ഗൗതം.
http://bit.ly/2wVDrVv
This post have 0 komentar
EmoticonEmoticon