ന്യൂഡല്‍ഹി: ലോക്‌സഭാ തിരഞ്ഞെടുപ്പിനു മുന്നോടിയായി മമതാ ബാനര്‍ജി സംഘടിപ്പിക്കുന്ന ബിജെപി വിരുദ്ധ റാലിക്ക് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി പിന്തുണ അറിയിച്ചു. ഐക്യദാര്‍ഢ്യം പ്രഖ്യാപിച്ചുകൊണ്ടുള്ള കത്ത് രാഹുല്‍ ഗാന്ധി നല്‍കുകയായിരുന്നു. മമതാ ദി എന്നഭിസംബോധന ചെയ്തുകൊണ്ടുള്ള കത്തില്‍ മുഴുവന്‍ പ്രതിപക്ഷവും ബിജെപിക്കെതിരെ ഒരുമിച്ചു കഴിഞ്ഞുവെന്നാണ് രാഹുല്‍ പറയുന്നത്. കൊല്‍ക്കത്തയില്‍ ശനിയാഴ്ചയാണ് 'യുണൈറ്റഡ് ഇന്ത്യ' എന്ന പേരില്‍ റാലി നടക്കുന്നത്.
'ഈ ഐക്യപ്രകടനത്തില്‍ പൂര്‍ണ്ണ പിന്തുണ മമതാ ദിയ്ക്ക് ഞാന്‍ വാഗ്ദാനം ചെയ്യുന്നു. നമ്മള്‍ ഒത്തൊരുമിച്ച് നിന്ന് ശക്തമായൊരു സന്ദേശം നല്‍കി കഴിഞ്ഞു'-രാഹുല്‍ കത്തില്‍ പറയുന്നു. അതേ സമയം റാലിയില്‍ രാഹുല്‍ ഗാന്ധിയും കോണ്‍ഗ്രസ് നേതാവ് സോണിയാ ഗാന്ധിയും പങ്കെടുക്കില്ല. പകരം മല്ലികാര്‍ജുന്‍ ഖാര്‍ഗെയും അഭിഷേക് മനു സിങ്വിയും കോണ്‍ഗ്രസിനെ പ്രതിനിധീകരിച്ച് റാലിയില്‍ പങ്കെടുക്കും.
http://bit.ly/2wVDrVv
This post have 0 komentar
EmoticonEmoticon