ബെംഗുളൂരു: കര്‍ണാടകത്തില്‍ രണ്ടര മുഖ്യമന്ത്രി ഭരണമാണെന്ന് ബിജെപി ദേശീയ അധ്യക്ഷന്‍ അമിതാ ഷാ. ദേവനാഹള്ളിയില്‍ തെരഞ്ഞെടുപ്പ് റാലിയില്‍ സംസാരിക്കുന്നതിനിടെയായിരുന്നു അദ്ദേഹം കര്‍ണാടകത്തിലെ കോണ്‍ഗ്രസ് - ജെഡിഎസ് സഖ്യ സര്‍ക്കാരിനെ പരിഹസിച്ചത്.
കര്‍ണാടകത്തില്‍ ആശങ്കാകരമായ അവസ്ഥയാണ് നിലവിലുള്ളത്. കുമാരസ്വാമി സ്വയം മുഖ്യമന്ത്രിയെന്ന് വിളിക്കുന്നു. സിദ്ദരാമയ്യ ആവട്ടെ സൂപ്പര്‍ മുഖ്യമന്ത്രിയും. ജി. പരമേശ്വര അര മുഖ്യമന്ത്രിയും. ഈ രണ്ടര മുഖ്യമന്ത്രി സര്‍ക്കാരിന് സംസ്ഥാനത്തെ വികസനത്തിന്‍റെ പാത‍യില്‍ എത്തിക്കാനാവില്ല. ദേശീയ തലത്തില്‍ മഹാസഖ്യം എന്താണെന്ന് ഈ സഖ്യ ഭരണം കാട്ടിത്തരുന്നതായും അമിത് ഷാ പറഞ്ഞു.
കര്‍ണാടകത്തിലെ കോണ്‍ഗ്രസ് - ജെഡിഎസ് സഖ്യം അധികാരത്തിനു വേണ്ടി മാത്രമുള്ളതാണ്. . ഈ സഖ്യ സര്‍ക്കാര്‍ നമ്മുടെ സമ്ബദ്ഘടനയെ വികസിപ്പിക്കില്ലെന്നും ഷാ വിമരാ‍ശിച്ചു. ഇവര്‍ക്ക് ദരിദ്രരുടെ ക്ഷേമത്തിനായി പ്രവര്‍ത്തിക്കാനും കഴിയില്ല. ഇന്ത്യയെ ലോകത്തിന്‍റെ ഗുരുസ്ഥാനത്ത് എത്തിക്കണമെങ്കില്‍ പ്രധാനമന്ത്രി നരേന്ദ്ര മോദിയുടെ നേതൃത്വത്തില്‍ വീണ്ടും സര്‍ക്കാര്‍ രൂപികരിക്കണമെന്നും അദ്ദേഹം പറഞ്ഞു.
https://ift.tt/2wVDrVv
This post have 0 komentar
EmoticonEmoticon