ന്യൂഡെല്‍ഹി: ചാറ്റുകള്‍ സുരക്ഷിതമാക്കാന്‍ വാട്സ്ആപ്പില്‍ ഫേസ് ലോക്കും ടച്ച് ഐഡിയും വരുന്നു. ജനപ്രിയ മെസേജിങ് ആപ്ലിക്കേഷനാണ് വാട്സ്ആപ്പ്. അതുകൊണ്ട് ഇത് സുരക്ഷിതമാക്കേണ്ടത് അത്യാവശ്യമാണ്. അതിനാലാണ് ബീറ്റപതിപ്പായ 2.19.20.19ല്‍ ഈ പ്രത്യേകതകള്‍ അനുഭവിക്കാമെന്ന് പ്രമുഖ ടെക് വെബ്സൈറ്റ് റിപ്പോര്‍ട്ട് ചെയ്തിരിക്കുന്നത്. അതായത്, ഐ.ഒ.എസ് പ്ലാറ്റ്ഫോമില്‍ പരീക്ഷണാര്‍ത്ഥമായിട്ടാണ് ഇത് പുറത്തിറക്കിയിരിക്കുന്നത്. എന്നാല്‍ എല്ലാ ഐഫോണുകളിലും ഈ ബീറ്റാപതിപ്പ് തുടക്കത്തില്‍ ലഭ്യമാകില്ല. മാത്രമല്ല, ഈ പ്രത്യേകതളെക്കുറിച്ച് നേരത്തെ അറിയിച്ചിരുന്നുവെങ്കിലും എല്ലാവരിലും ഇപ്പോള്‍ എത്തിക്കുന്നില്ലെന്നും പുതിയ പരിഷ്‌കരണങ്ങളോടെ എല്ലാ പ്ലാറ്റ്ഫോമുകളിലേക്കും വൈകാതെ എത്തുമെന്നുമാണ് നിലവിലെ റിപ്പോര്‍ട്ട്.
അതായത്, ചാറ്റുകള്‍ക്ക് കൂടുതല്‍ സുരക്ഷിതത്വം ഉറപ്പ് വരുത്താനാണ് ഈ പുതിയ പ്രത്യേകതകള്‍ ഇറക്കുന്നത്. മാത്രമല്ല, എന്‍ഡ് ടു എന്‍ഡ് ഡിസ്‌ക്രിപ്ഷന്‍ എന്നതും വാട്സ്ആപ്പിന് മാത്രം അവകാശപ്പെട്ടതാണ്.എന്നാല്‍, ഫേസ്ബുക്കിന്റെ കീഴിലുള്ള മെസേജിങ് ആപ്ലിക്കേഷനുകളായ വാട്സ്ആപ്പ്, ഇന്‍സ്റ്റാഗ്രാം, ഫേസ്ബുക്ക് മെസഞ്ചര്‍ എന്നിവയെ ഒന്നിപ്പിക്കാനുള്ള നീക്കവും ചര്‍ച്ചയായിരുന്നു.
This post have 0 komentar
EmoticonEmoticon