യുവാക്കളുടെ തെറ്റുകൾ ജനാതിപത്യ പ്രക്രിയയിലൂടെ തിരുത്തണം:ഗവർണർ സദാശിവം

തിരുവനന്തപുരം: ജനാധിപത്യ സംവിധാനത്തിൽ നിന്ന് മാറിനിൽക്കുകയല്ല, അതിൽ പോരായ്മകൾ ഉണ്ടെങ്കിൽ പരിഹരിക്കാനാണ് യുവാക്കൾ ശ്രമിക്കേണ്ടതെന്ന് ഗവർണർ. കേരള നിയമസഭയുടെ വജ്രജൂബിലി ആഘോഷ പരിപാടികളുടെ ഭാഗമായ 'ഫെസ്റ്റിവൽ ഓൺ ഡെമോക്രസി'യിലെ രണ്ടാമത്തെ പരിപാടിയായ 'നാഷണൽ സ്റ്റുഡൻറ്‌സ് പാർലമെൻറ്-കേരള 2019' ഉദ്ഘാടനം ചെയ്തു സംസാരിക്കുകയായിരുന്നു ഗവർണർ പി. സദാശിവം പറഞ്ഞു

ജനാധിപത്യപ്രക്രിയയിൽനിന്ന് നിന്ന് മാറിനിൽക്കാനുള്ള പ്രവണത യുവാക്കളിൽ കൂടി വരുന്ന സാഹചര്യത്തിൽ ജനാധിപത്യ സംവിധാനം ഇന്ത്യയിൽ കൊണ്ടുവരാൻ നടത്തിയ പോരാട്ടങ്ങൾ പുതു തലമുറയെ ഓർമ്മപ്പെടുത്തേണ്ടത് അനിവാര്യമാണ്. മികച്ച ജനാധിപത്യത്തിന് യുവാക്കൾ മുന്നോട്ടുവരണം.

പാർലമെൻററി ജനാധിപത്യമാണ് ഇന്ത്യയെ യോജിപ്പിച്ച് കൊണ്ടുപോകാൻ നല്ലതെന്ന് തിരിച്ചറിഞ്ഞാണ് അത്തരം സംവിധാനത്തിലേക്ക് രാജ്യം സ്വാതന്ത്ര്യപോരാട്ടങ്ങളിലൂടെ മാറിയത്. ജനാധിപത്യം ഒരുരാത്രികൊണ്ട് മികച്ചതായി ജനിക്കില്ല.

ഏതൊരു പ്രക്രിയയും പോലെ വളർച്ചയ്ക്കനുസരിച്ച് പരിണാമപ്പെട്ട് മികവ് വർധിപ്പിക്കുകയാണ്. അതുകൊണ്ടുതന്നെ ജനങ്ങൾ രാഷ്ട്രീയമായ വിദ്യാഭ്യാഭ്യാസം നേടേണ്ടത് അനിവാര്യമാണെന്നും ഗവർണർ ചൂണ്ടിക്കാട്ടി. കേരളത്തിലെ ജനപ്രതിനിധികളുടെയും രാഷ്ട്രീയകക്ഷികളുടെയും ഐക്യവും സഹകരണവും വിവിധ കാലങ്ങളിൽ മുഖ്യമന്ത്രിയും പ്രതിപക്ഷനേതാവും ഒരുമയോടെ നടത്തിയ പ്രവർത്തനവും ഗവർണർ വിശദീകരിച്ചു.

https://ift.tt/2wVDrVv