തിരുവനന്തപുരം: മഴക്കാലത്ത് കരിമണൽ ഖനനം ഒഴിവാക്കാന്‍ നടപടിയെടുക്കുമെന്ന് മുഖ്യമന്ത്രി പിണറായി വിജയൻ. നിയമസഭാ സമിതിയുടെ റിപ്പോർട്ടിന്റെ അടിസ്ഥാനത്തിലാണ് സർക്കാർ തീരുമാനം. തീരം സംരക്ഷിച്ച് ഖനനം മുന്നോട്ടുകൊണ്ടുപോകാനാണ് സർക്കാർ ആലോചിക്കുന്നതെന്ന് മുഖ്യമന്ത്രി നിയമസഭയിൽ പറഞ്ഞു.
മഴക്കാലത്ത് ഖനനം നടത്തുന്നതാണ് കടലാക്രമണം വർദ്ധിക്കാനും കര എടുക്കാനും കാരണമെന്ന് നിയമസഭ സമിതി റിപ്പോർട്ട് നൽകിയിട്ടുണ്ടെന്ന് മുഖ്യമന്ത്രി സൂചിപ്പിച്ചു. അതുകൊണ്ടുതന്നെ മഴക്കാലത്തെ ഖനനം നിർത്താനുള്ള നടപടികളിലേക്കാണ് സർക്കാർ പോകുന്നതെന്നും മുഖ്യമന്ത്രി പറഞ്ഞു.
മഴക്കാലത്ത് ഖനനം നിർത്തുന്നതിനുള്ള വ്യവസ്ഥകൾ കൊണ്ടുവരും. ഖനനം നടത്തുന്നവർക്ക് അത് പാലിക്കൽ നിർബന്ധമാക്കുന്ന രീതിയിൽ സർക്കാർ വ്യവസ്ഥകൾ ശക്തമാക്കുമെന്നും മുഖ്യമന്ത്രി പറഞ്ഞു.
http://bit.ly/2wVDrVv
This post have 0 komentar
EmoticonEmoticon