ജമ്മു കശ്മീരിലെ ഹന്ദ്‍വാരയിൽ ഭീകരരുമായി ഏറ്റുമുട്ടൽ. ഏറ്റുമുട്ടലിൽ നാല് സുരക്ഷാ ഉദ്യോഗസ്ഥർ വീരമൃത്യു വരിച്ചു. ഒരു സിആർപിഎഫ് ജവാൻ, ഒരു സൈനികൻ, രണ്ടു പൊലീസ് ഉദ്യോഗസ്ഥർ എന്നിവരാണ് കൊല്ലപ്പെട്ടത്. എട്ടു സുരക്ഷാ ഉദ്യോഗസ്ഥർക്ക് പരുക്കേറ്റു. ഏറ്റുമുട്ടലിൽ രണ്ടു ഭീകരരും കൊല്ലപ്പെട്ടു.
വൈകിട്ട് ലംഗേറ്റ് മേഖലയിെലെ ഒഴിഞ്ഞ വീട്ടിൽ നിന്നു ഭീകരർ വെടിയുതിർക്കുകയായിരുന്നുവെന്ന് അധികൃതർ അറിയിച്ചു. ഇന്നലെ വൈകിട്ടാണ് പ്രദേശത്ത് ഭീകരർ ഒളിച്ചിരിപ്പുണ്ടെന്ന വിവരം ലഭിക്കുന്നത്. ഇതിനെത്തുടർന്നു ഇന്ന് രാവിലെ മുതൽ തിരച്ചിൽ നടത്തുകയായിരുന്നു. ഇതിനിടെയാണ് അക്രമമുണ്ടായത്.
അതേസമയം, അതിർത്തി മേഖലകളിൽ പാക്കിസ്ഥാൻ വെടിനിർത്തൽ ലംഘനം തുടരുകയാണ്. നൗഷേര, മെന്ദാർ, പൂഞ്ച്, കൃഷ്ണഘാട്ടി മേഖലകളിൽ പാക്ക് സൈനികർ വെടിയുതിർത്തു.
https://ift.tt/2wVDrVv
This post have 0 komentar
EmoticonEmoticon