ലാഹോര്‍: പാകിസ്ഥാനിലെ ക്വെട്ട മേഖലയിലെ പച്ചക്കറി മാര്‍ക്കറ്റിലുണ്ടായ സ്ഫോടനത്തില്‍ 20 പേര്‍ കൊല്ലപ്പെട്ടു. 48 പേര്‍ക്ക് പരിക്കേറ്റു. പരിക്കേറ്റവരെ അടുത്തുള്ള ആശുപത്രിയില്‍ പ്രവേശിപ്പിച്ചിരിക്കുകയാണ്.
വെള്ളിയാഴ്ച രാവിലെ എട്ട് മണിയോടെയായിരുന്നു സംഭവം. സ്ഫോടനത്തില്‍ 20 പേര്‍ കൊല്ലപ്പെട്ടെന്ന് പ്രവിശ്യയിലെ ആഭ്യന്തര മന്ത്രി സിയായുള്ള ലങ്കോവ് അറിയിച്ചു. ന്യൂനപക്ഷ വിഭാഗത്തില്‍പ്പെട്ട ഷിയാ ഹസാരസ് വിഭാഗം ഏറ്റവും കൂടുതലുണ്ടായിരുന്ന മേഖലയിലാണ് സ്ഫോടനം. ഷിയാ മുസ്ലീം സമുദായത്തില്‍പ്പെട്ടവരെ ഉന്നംവച്ചായിരുന്നു സ്ഫോടനമെന്ന് പൊലീസ് മേധാവി അബ്ദുള്‍ റസാഖും വ്യക്തമാക്കി.
സ്ഫോടനത്തില്‍ കെട്ടിടങ്ങള്‍ പൂര്‍ണമായും തകര്‍ന്നിരിക്കുകയാണെന്നും സംഭവ സ്ഥലത്ത് സുരക്ഷാ ഉദ്യോഗസ്ഥര്‍ പരിശോധന നടത്തിവരികയാണെന്നും പൊലീസ് വൃത്തങ്ങള്‍ അറിയിച്ചു.
http://bit.ly/2wVDrVv
This post have 0 komentar
EmoticonEmoticon