ന്യൂഡല്ഹി: കേന്ദ്രമന്ത്രി സ്മൃത ഇറാനിയെ ലോകസഭ തെരഞ്ഞെടുപ്പില് മത്സരിക്കുന്നതില്നിന്ന് വിലക്കണമെന്ന് കോണ്ഗ്രസ്. വിദ്യാഭ്യാസ യോഗ്യത സംബന്ധിച്ച് സത്യവാങ്മൂലത്തില് തെറ്റായ വിവരങ്ങള് നല്കിയതിനെ തുടര്ന്നാണ് കോണ്ഗ്രസ് നടപടി.
കേന്ദ്രമന്ത്രി പരസ്പരവിരുദ്ധമായ സത്യവാങ്മൂലങ്ങളാണ് തെരഞ്ഞെടുപ്പ് കമ്മീഷന് നല്കിയിരിക്കുന്നത്. അതിനാല് അമേത്തിയില്നിന്നും മത്സരിക്കുന്നതില്നിന്നും അവരെ വിലക്കണമെന്ന് കോണ്ഗ്രസ് ആവശ്യപ്പെട്ടു.
സ്മൃതി ഇറാനി കഴിഞ്ഞ ദിവസാണ് അമേത്തിയില് നാമനിര്ദേശ പത്രിക സമര്പ്പിച്ചത്. ബിരുദ പഠനം പൂര്ത്തിയാക്കിയിട്ടില്ലെന്ന് അവര് പത്രികയ്ക്കൊപ്പം നല്കിയ സത്യവാങ്മൂലത്തില് വ്യക്തമാക്കിയിരുന്നു. എന്നാല്, 2014 ല് നല്കിയ സത്യവാങ്മൂലത്തില് ബരുദധാരിയാണെന്ന് അവര് അവകാശപ്പെട്ടിരുന്നു.
This post have 0 komentar
EmoticonEmoticon