തിരുവനന്തപുരം: മുഖ്യ തെരഞ്ഞെടുപ്പ് ഓഫീസര് ടിക്കാറാം മീണയെ വെല്ലുവിളിച്ച് ആറ്റിങ്ങല് മണ്ഡലത്തിലെ എന്ഡിഎ സ്ഥാനാര്ഥി ശോഭ സുരേന്ദ്രന്. അയ്യപ്പന്റെ പേര് പറഞ്ഞാല് നടപടി എടുക്കുമെങ്കില് തനിക്കെതിരെ നടപടി എടുക്കട്ടെ എന്ന് ശോഭാ സുരേന്ദ്രന് വെല്ലുവിളിച്ചു. ടീക്കാറാം മീണയെ എ.കെ.ജി സെന്ററിലെ ക്ലാര്ക്കിന്റെ പണി എടുക്കാന് അനുവദിക്കില്ലെന്നും അയ്യപ്പനായി രക്തസാക്ഷിത്വം വരിക്കാന് തയ്യാറാണെന്നും ശോഭാ സുരേന്ദ്രന് പറഞ്ഞു.
പിണറായിയുടെ പൊലീസും ടീക്കാറാം മീണയുടെ അധികാരവും ഉപയോഗിച്ച് തൂക്കിലേറ്റുകയാണെങ്കില് ആ രക്തസാക്ഷിത്വം വഹിക്കാന് തയ്യാറാണ്. അയ്യന്റെ പേരില് വോട്ട് ചോദിക്കില്ല. പക്ഷേ മണ്ഡലകാലവും ശബരിമലയില് ഭക്തരെ പീഡിപ്പിച്ച കാലവും ആചാരലംഘനം നടത്തിയ നിമിഷവും നെഞ്ചു പൊട്ടി നാമം ജപിച്ച അമ്മമാര് മറക്കില്ല. ആ വേദന വീടുകളും തെരുവുകളും തോറും പറയുമെന്നും ശോഭാ സുരേന്ദ്രന് പറഞ്ഞു.
ശബരിമല തെരഞ്ഞെടുപ്പ് പ്രചരണ വിഷയമാക്കരുതെന്ന് ആവര്ത്തിച്ച് ടിക്കാറാം മീണ രംഗത്തെത്തിയിരുന്നു. ദൈവത്തിന്റെ പേരു പറഞ്ഞു വോട്ടു പിടിക്കരുതെന്നാണു പെരുമാറ്റച്ചട്ടമെന്നും അക്കാര്യം വീണ്ടും ആവര്ത്തിക്കേണ്ട കാര്യമില്ലെന്നും അദ്ദേഹം പറഞ്ഞു.
http://bit.ly/2wVDrVv
This post have 0 komentar
EmoticonEmoticon