കോഴിക്കോട്: ഒളികാമറാ വിവാദത്തില്‍ തനിക്കെതിരെ കേസ് രജിസ്റ്റര്‍ ചെയ്ത നടപടി സിപിഎമ്മിന്‍റെ തരംതാണ രാഷ്ട്രീയമെന്ന് യുഡിഎഫ് സ്ഥാനാര്‍ഥി എം. കെ രാഘവന്‍. തോല്‍ക്കുമെന്ന ഭയം കൊണ്ടാണ് സിപിഎം ഇത്തരം നടപടികള്‍ സ്വീകരിക്കുന്നതെന്നും അദ്ദേഹം പറഞ്ഞു.
തിങ്കളാഴ്ച രാവിലെയാണ് രാഘവനെതിരെ പോലീസ് കേസ് രജിസ്റ്റര്‍ ചെയ്തത്. അഴിമതി നിരോധന നിയമം, കൈക്കൂലി ആവശ്യപ്പെടല്‍ എന്നീ വകുപ്പുകളാണ് ചുമത്തിയിട്ടുള്ളത്. എം കെ രാഘവന്‍ അഞ്ച് കോടി രൂപ കോഴ ആവശ്യപ്പെട്ടെന്നായിരുന്നു ടിവി 9 ചാനല്‍ ഒളിക്യാമറ ഓപ്പറേഷനിലൂടെ പുറത്തുവിട്ടത്.
സംഭവത്തില്‍ തെരഞ്ഞെടുപ്പ് കമ്മീഷനും ഡി.ജി.പിക്കും ലഭിച്ച പരാതികളില്‍ പ്രാഥമിക അന്വേഷണം നടത്തി റിപ്പോര്‍ട്ട് സമര്‍പ്പിച്ചിരുന്നു. ചാനല്‍ സംപ്രേഷണം ചെയ്ത ദൃശ്യങ്ങളില്‍ കൂട്ടിച്ചേര്‍ക്കലുകള്‍ നടന്നിട്ടുണ്ടെന്നായിരുന്നു എം.കെ രാഘവന്‍ നല്‍കിയ പരാതി.
എന്നാല്‍ ദൃശ്യങ്ങള്‍ കൃത്രിമമല്ലെന്നായിരുന്നു പൊലീസ് റിപ്പോര്‍ട്ട്. ഈ റിപ്പോര്‍ട്ടിന്‍റെ അടിസ്ഥാനത്തിലാണ് രാഘവനെതിരെ കേസെടുത്തിരിക്കുന്നത്. പൊലീസ് റിപ്പോര്‍ട്ടിന്‍മേല്‍ ഡയറക്ടര്‍ ജനറല്‍ ഓഫ് പ്രോസിക്യൂഷന്‍റെ നിയമോപദേശ പ്രകാരം ഡി.ജി.പി ലോക്നാഥ് ബെഹ്റയാണ് കേസെടുക്കാന്‍ ഉത്തരവിട്ടത്. നടക്കാവ് പൊലീസാണ് കേസന്വേഷിക്കുക.
http://bit.ly/2wVDrVv
This post have 0 komentar
EmoticonEmoticon