കോട്ടയം: ലോട്ടറി കമ്പം തലക്ക് പിടിച്ച് ദമ്പതികള്‍ വാങ്ങിക്കൂട്ടിയത് കെട്ടുകണക്കിന് ലോട്ടറി,ഒടുവില്‍ ഒരുമുഴം കയറില്‍ അന്ത്യം . ലോട്ടറി കമ്പം തലക്ക് പിടിച്ച ദമ്പതികള്‍ ദിവസവും വാങ്ങിക്കൂട്ടുന്നത് ആയിരക്കണക്കിന് രൂപയുടെ ലോട്ടറി. ഒരിക്കലെങ്കിലും ഭാഗ്യം കടാക്ഷിക്കുമെന്ന് കരുതി കടം വാങ്ങി ലോട്ടറികള്‍ വാങ്ങി. പക്ഷേ ഭാഗ്യം തുണച്ചില്ലെന്ന് മാത്രമല്ല കടക്കെണിയിലാവുകയും ചെയ്തു. ഒടുവില്‍ ദമ്പതികള്‍ ജീവനൊടുക്കിയത് ഒരുമുഴം കയറില്‍.
തിരുവഞ്ചൂര്‍ സ്വദേശിയായ വിഷ്ണു കുമാര്‍ [35] ഭാര്യ രമ്യ മോള്‍ [30] എന്നിവരെയാണ് കിടപ്പുമുറിയില്‍ തൂങ്ങി മരിച്ച നിലയില്‍ കണ്ടെത്തിയത്. കൊങ്ങണ്ടൂര്‍ സ്റ്റാന്‍ഡിലെ ഓട്ടോ ഡ്രൈവര്‍ ആണ് വിഷ്ണു കുമാര്‍. ഇവര്‍ ദിവസവും കെട്ട് കണക്കിന് ലോട്ടറി ടിക്കറ്റുകളാണ് വാങ്ങിരുന്നത്. നിരന്തരമായി ലോട്ടറി ടിക്കറ്റ് വാങ്ങിയിരുന്നതിനാല്‍ വന്‍ സാമ്പത്തിക ബാധ്യതയാണ് അത്മഹത്യക്കു പ്രേരിപ്പിച്ചതെന്നു പോലീസ് പറയുന്നു.
This post have 0 komentar
EmoticonEmoticon