മോദിയുടെ മേഘസിദ്ധാന്തത്തെ ട്രോളി നടിയും കോൺഗ്രസ് സ്ഥാനാർത്ഥിയുമായ ഊർമിള

 മുംബൈ: മോദിയുടെ മേഘസിദ്ധാന്തത്തെ ട്രോളി നടിയും കോൺഗ്രസ് സ്ഥാനാർഥിയുമായ ഊർമിള മാതോംഡ്കർ. മേഘങ്ങളില്ലാത്ത തെളിഞ്ഞ ആകാശത്തിനു ദൈവത്തിനു നന്ദി. അതിനാൽ എന്റെ അരുമയായ റോമിയോയ്ക്ക് കൃത്യമായി റഡാർ സിഗ്നലുകൾ ലഭിക്കുന്നുണ്ട് എന്നാണ് കോൺഗ്രസ് മുംബൈ നോർത്ത് സ്ഥാനാർഥിയായ ഉർമിളയുടെ ട്വീറ്റ്. പട്ടിക്കുട്ടിക്കൊപ്പമുള്ള ചിത്രവും ഊര്‍മിള ട്വീറ്റ് ചെയ്തിട്ടുണ്ട്.

ഒരു ചാനലിന് മോദി നൽകിയ അഭിമുഖത്തിലാണ് ബാലാക്കോട്ട് ആക്രമണത്തെക്കുറിച്ചു വെളിപ്പെടുത്തൽ നടത്തിയത്. കാലാവസ്ഥ പ്രതികൂലമായിരുന്നതിനാൽ ദൗത്യം മാറ്റിവയ്ക്കാനായിരുന്നു ഉന്നത സൈനിക ഉദ്യോഗസ്ഥരുടെ നീക്കം. എന്നാൽ മേഘങ്ങളും മഴയുമുള്ളപ്പോൾ പാക്കിസ്ഥാന്റെ റഡാറുകളിൽ നിന്നു വിമാനങ്ങളെ മറക്കാൻ കഴിയുമെന്നും ആക്രമണത്തിന് ഉചിതമായ സമയം ഇതു തന്നെയാണെന്നു നിർദേശം നൽകിയതായും മോദി അവകാശപ്പെട്ടു.

http://bit.ly/2wVDrVv